SAM 11:5 - Khumi Common Language Bible

⁵ Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

SAM 11:5 ပူးပေါင်းရင်းမြစ်များ

ATITI AWM ANGCHEI NAI 22:1

Kanirei nai khala, Tameuh my Abraham ai cham ai nai ngai i mymy ly “Abraham!,” nanai palau. Abraham my, “Ne, kai hi y awm!” napi.

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 139:1

Aw Areng, nang ly kai ai cham chum bo i, kai i satang pany bo.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 21:8

Samrang ly my i paleung ka-e bawibawichi ai patiu ai. Mymy ai niu ngai y nai khumi bawibawichi ai patiu pawn ai.

SAM 26:2

Aw Areng, kai ai cham ly chih ba. Kai i ngai naichi hawi paleung ka-dawnchi ai cham ba.

SAM 5:6

Nang ly tapawp nai khumi bawibawichi ai taphra iy, khrukhra naichi, paleung ka-kawi awm naichi ai paso nai ne.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I PETERA 4:12

Amjo amnau ngai parai naichi awi, nangmychi ai cham ai nai, nangchi i tlang tleaung y tym nai, nangchi theung y awm nai mai kamta cham naira ly rengrang tlai, nanai dawn u moh: