SAM 107:40 - Khumi Common Language Bible

⁴⁰ mymy ly huna nai ana pumpi nai khumichi ai paso i, lam by y nai daichi ka-vymra y amki hai ryry bo.

SAM 107:40 ပူးပေါင်းရင်းမြစ်များ

1 ARENG KEH 21:19

Kai Areng my, ‘nang ly khumi ai padei nai bo y, ni i vawn la pi vui ai a?,’ nanai ni teng y thui pi; ‘Naboth i thi uichi my palei nai meingtym y, nang i thi py palei u ai,’ nanai thui nai leu py ni teng y amti pi!” napi.

JOBA 12:21

Sa thai naira awm nai khumichi ai kangji pei iy, mangchochi i haiho jum hai bo.

JOBA 12:24

Mymy ly mipui lu sa naichi ai ka-khum lawm hai chum baly, tawm-mo pany hai y i, lam tamang iy ajau hai.

SAM 107:4

Khumi phyreichi ly lam by y iy khutaha daichi ka-vym y amki u; nichi ly mychi awm ai nai marychi mang y tako nai lam niu u y.

SAM 78:66

Mymy i paleung ka-echi ai kangji pei iy, sum hai jojo bo.

THEU NAI 8:17

Naibaly Aron ly cheaungvawi hawi khaileaung y pakhau i, Aikupta pri i spryh ly saimawmchi lawm iy khumichi hawi tawnbawichi i tlang tleaung y ahi mengmeaung nai kei tengteang bo.

THEU NAI 8:24

Naibaly Areng my pathau kanghu kang-ang pui ly samrang i yhm, mymy i bangtangchi i yhmchira y py, theu hai i, Aikupta pri verei ly phra vi na bo.

THEU NAI 8:3

Naing tavo theung y uiphochi kawi hai ai; huni uiphochi ly tavo theung i dengdairei nang i yhm, takun, ira tleaung y py, nang i bangtangchi i yhmchi, nang i chengchi i yhmchi, takeangchi, laawmchira y lyn ai.

THEU NAI 8:4

Uiphochi ly nang i tlang tleaung y py, bangtangchi i tlang tleaung y py, nang i chengchi i tlang tleaung y py ampyh u lengleang na ai,’ nanai thui pi,” napi.

DANIELA 4:33

Huni leu kamta ly vaimy tym ryp bo. Samrang Nebukhadnezar ly khumi kamkawm theung i dengdairei theu vui iy, si kamta acha cha nai tla bo. Ni i tlang tleaung y py kadamchi tla. Ni i sam ly ahmtlau pakhi mui kamta sau iy, ni i kiu pachyn, kheu pachynchi py, tavo kheu pachynchi kamta sau ryh nai ne.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

AMTENG HAI NAI 19:18

“Nangchi ly samrangchi i ngan py, tavaimi luchi i ngan py, khumi kalenchi i ngan py, keaungngo hawi hunichi tleaung y atang naichi i ngan py, khumi bawibawi, miseaung hawi miseaung ny y nai, katheang kalenchi i ngan py cha thai ai nai, Tameuh i pawi nang parai nai sa naira y jeu achu u bawibawi,” nanai aeu bo.

TARA CHIH NAI KEUNGCHI 4:21

Sisera ly khri pa-rei akawm nai deaungkho y, aseaung iy i ngym vui bo. Naibaly Jaela ly saki hawi kanih yhm thangra thengbeang kamsui harei la iy Sisera teng y chei jyn i, thengbeang kamsui hawi ni i naipi prida iy, khaileaung y acheaung na pa-rei tahen thla bo.

1 SAMUELA 5:9

Na i py huni mary y Leu Maikawm Pawm tym baly, Areng ly huni mary ai py pajeng lawh nai deaungkho y, khumichi ly angtheng u na bo. Mymy ly katheang kalen vawi y naimy, khumichi i tlang tleaung y uisalu man hai iy pajeng nai ne.

1 SAMUELA 6:4

Philistia miteaung kehchi my, “Kaichi ly ati katalamrachi talam ai mo?,” nanai deng u. Naibaly nichi my, “Nangchi ly samrang leaung pangreichi ai, leaungrei y muku uisalu myn pangrei hawi, muku paju myn pangrei talam u ai nai tla. Samrang leaung pangreichi hawi nangchi bawibawi ly no mi amjy harei avum u nai ne.