SAM 107:38 - Khumi Common Language Bible

³⁸ Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

SAM 107:38 ပူးပေါင်းရင်းမြစ်များ

ATITI AWM ANGCHEI NAI 1:28

Nini ai amtheaung hai i, “Cho chanau neangneang so, nangni i kangpreangchi ly khaileaung pri verei y peung u sy; khaileaung pri py peang u. Nangchi i anui y awm ai nai daichi mawichi, tavochi hawi ngochi ai peang u,” napi.

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 17:16

Kaimy ni ai amtheaung hai ai, nimy nang i vui chapo tapen pi ai. Kaimy ni ai amtheaung hai ai i, mymy ly khumi cheng cheaungkhangchi i amhm lawm ai; mymy i kangpreangchi theung i nai samrangchi theu ai,” napi.

ATITI AWM ANGCHEI NAI 17:20

Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.

ATITI AWM ANGCHEI NAI 30:43

Huna nai deaungkho y Jakob ly yhmtheaung katui nawi ryh nawi ryh i, mymy ly tawnbawi kanghuchi, miseaungchi, kula-iuchi hawi keaungngo kano kasauchi py neangneang awm bo.

ATITI AWM ANGCHEI NAI 31:9

Tameuh my ngampo i tawnbawi kanghuchi la pi veng iy kai ai ang pei nai bo.

ATITI AWM ANGCHEI NAI 9:1

Tameuh my Nova hawi chapochi ai amtheaung hai nai leu ly “Nang i kangpreangchi ly khaileaung pri verei y kawi ai nai cho chanau neangneang so u,” napi.

JOBA 12:23

prichi ai len hai iy khaw hai; na i py nichi ai sum hai iy phra hai bo.

THEU NAI 1:12

Na i py Aikupta chengchi my Israela chengchi ai ana ra, peung ra i, pri verei y kawi na bo. Aikupta chengchi ly Israela chengchi ai jei u nai ne.

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 12:38

Nichi hawi vanrei Israela cheng ny y naimy cheng takhra khumi nawi parai naichi py beram, mi-i, si kanghuchi py syn naimy abang u teang.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

Leu Thui Nai 28:11

Areng ly nangchi ai pei ai, nanai amsi pajochi teng y adeu nai pri y, nangchi ai cho chanau, si, beram tawnbawichi neangneang peung hai ai; amti amjang py neangneang thawn hai ai.

Leu Thui Nai 28:4

“Areng ly nangchi ai cho chanau neangneang thawn-kai ai nai py, amti amjang thau ai nai py, si, beram neangneang peung ai nai py amtheaung hai ai.

Leu Thui Nai 30:9

Nangchi ly hini reita cha-iu theung y tajiu nai reita leu pei nai ngiereichi ai patawm iy, Areng teng y paleung hawi verei ahihawi baly, mymy ly nangchi i sa naira tleirei y amtheaung hai ai; nangchi ly cho chanau neangneang sa u ai; si, beram hawi tawnbawi neangneang nang u ai.

Leu Thui Nai 7:13

Mymy ly nangchi ai tamen iy amtheaungra pei nai deaungkho y, nangchi ly peung ai i, cho chanau neangneang sa u ai; mymy ly nangchi i li hlauchi ai amtheaung hai nai deaungkho y, amti amjang, kreip hang hawi olive asitui neangneang nga u ai Mymy ly nangchi ai amtheaung hai nai y, si, beram tawnbawichi py peung ai. Nangchi i amsi pajochi teng adeu nai pri y nangchi tym nai khala, huni amtheaung nairachi ang pei ai.

Leu Thui Nai 7:14

Nangchi ly khaileaung pri i khumi cheng cheaungkhangchi tleaung y amtheaung naira nga ra ai. Nangchi theung y teng nai khumi, cho so y nai tawnbawichi awm ai ny y.