SAM 107:33 - Khumi Common Language Bible

³³ Areng ly tavochi ai tui kang hai pawn bo; tavo micheaungchi ai py tamym typ pawn nai ne.

SAM 107:33 ပူးပေါင်းရင်းမြစ်များ

1 ARENG KEH 18:5

Ahab ly Obadia teng y, “Keaungngo hawi keaungngo kaneaung kasauchi dei y ai nai acha bai avum teu na mo, nanai pri verei y awm nai tui sampum hawi, tavo micheaung tleirei y achi chei iy khen hawi sina,” napi.

SAM 74:15

Nang ly tavo tui hawi micheaung tui theu hai iy, tavo kalenchi ai kang hai bo.

ISAIA 42:15

Kai ly mawi katheang kalenchi ai panawi iy, acha hawi dengkeaung keungchi jei hai pawn ai. Kai ly tavo jawnbaichi ai jengha nai daichi ka-vymchilawn hai iy, tui sampumchi kang hai pawn ai.

ISAIA 44:27

Kai ly leu pei iy suida pangli ai py tui kang hai bo.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

JEREMIA 14:3

Khumi kanangchi ly mychi i miseaungchi ai pato iy, tui deu hai nai khala y, nichi ly tuikan y tym u i py tui avum y. Nichi ly tui kacheang ka-keu naimy ali u bo. Nichi ly paleung phra athosi naimy dawn tamang tyh na i, lu amym u nai ne.

Ezekiela 30:12

Kai ly Naing tavo tui kang hai iy Aikupta pri ai, khumi hawi y naichi i kiu y tym hai ai. Cheng takhra khumichi my ly huni pri verei phra hai ai. Hini ly kai, Areng i pei nai leu ne,” napi.

JOELA 1:20

Tavo micheaungchi kang rawm pawn iy, sui tlai nairachi py mai kang pawn nai deaungkho y, daichi mawichi malawn py, mymy teng y kaau u bo.

NAHUM 1:4

Mymy ly pangli ai leu pei nai khala y, pangli tui ly kang vui na! Mymy ly tavochi ai py tui kang hai vui bo. Basan mawi ly jeirawm iy Karamela mawi ly a-au jawn bo. Lebanon mawi i kaseaung pauchi py rawm veng bo.

ZEPHANIAH 2:13

Areng ly kiu pheu iy sa thai naira hawi, Asuria pri taphra ai. Mymy ly Ninevi mary y, tui by y nai daichi ka-vym kamta, khumi angso savai tlang nai mary kaphra lawm hai ai.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”