SAM 106:7 - Khumi Common Language Bible

⁷ Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 106:7 ပူးပေါင်းရင်းမြစ်များ

SAM 105:5

Mymy i miseaung Abraham i kangpreangchi awi, mymy i vawi takhra nai Jakob i kangpreangchi awi, nangchi ly Tameuh i patei nai rengrang ka-ma-rachi ai py, mymy i khai pi nai tara chih nairachi ai py, pany u jo ba.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 5:7

Kaimy i vui nabaly, nang i tamen naira len parai nai kanga nai deaungkho y, nang i yhm theung y kun pajau; nang i Achura yhm kachai theung y chiu sa naimy nang ai tahm khai nai lu meung pajau.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 78:11

Nichi ly nang i sa nai leaungsaichi hawi, nang i sa nai rengrang ka-ma-rachi ai py, tami u pawn veng bo.

SAM 78:42

Nichi ly nang teng y sa thai naira haiho awm, nanai py, mychi ly paleung ka-echi kiu i nai nangmy atleu pi, nanai py,

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

ISAIA 42:20

Aw, Israela chengchi awi, nangchi ly niu nai sai nawi i py, hunichi ly nangchi i vui ati kamran awm mo? Nangchi ly thai kawp nai kanochi awm i py, ati amjy ai nangchi thai u takengkei nai mo?,” napi.

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

MARKA 4:12

hunaibaly nichi ly niu mang ly niu thai u ai i, dawn naira pipi pany y ai: kano y py thai u ai i, pipi pany thai y ai: ti y baly nichi ly hi ali teang ai i pahen naira ngo u vui lawh na,” napi.

EPHESI 2:11

Hunai deaungkho y jangni y nangchi, tlang y Cheng Takhra awm nai, tlang mang y kiu y sa nai “Lengkhym Takip” napi naichi my ly nangchi ai “Lengkhym Takip y” nanai napi naichi awi;

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 29:4

Na i py nangchi niu nai ngiereichi ai pany thai ai nai cheng naira ly vaini khrairei mymy ly nangchi ai pei y.