SAM 106:40 - Khumi Common Language Bible

⁴⁰ Hunai deaungkho y Areng ly mymy i khumichi ai kado theu hai; nichi ai paso nai ne.

SAM 106:40 ပူးပေါင်းရင်းမြစ်များ

1 ARENG KEH 11:25

Rezon py Solomon heng nai ryrei ly Israela chengchi ai ka-jo hau jojo nai ne.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

JEREMIA 12:7

Areng my, “Kai ly kaimy i Israela ai khai su iy, kaimy vawi takhra nai khumichi ai py nyn va veng bo. Kaimy tamen nai khumichi ai paleung ka-echi kiu y au veng bo.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

Levi 20:23

Huni pri y awm nai khumichi i reita kamta so u moh; huni pri y nangchi kun u pajau ai nai molam y, kai ly huni pri i khumichi ai patheu pawn ai. Kai ly nichi i hawi y nai reitachi ai kapaso nai ne.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.

TARA CHIH NAI KEUNGCHI 2:14

Hunai deaungkho y Areng ly Israela chengchi ai khri pa-rei kado theu i, paleung ka-echi my nichi ai tiu ai nai pei nai ne. Mymy ly tengpang sahawi y awm nai paleung ka-echi ai Israela chengchi i tlang tleaung y eaung ai nai pei nai deaungkho y, Israela chengchi ly amymychi ai amo hai pajau y leang bo.

TARA CHIH NAI KEUNGCHI 2:20

Huna nai khala Areng ly Israela chengchi ai khri pa-rei kado theu i, “Huni khumichi ly kai i leu tangai y, kaimy nichi teaung patawm ai nai amsi pajochi teng y pei nai Leu Maikawm taphra u.

TARA CHIH NAI KEUNGCHI 3:8

Hunai deaungkho y Areng ly Israela chengchi ai katho theu i, Mesopotamia samrang Kusen Rishathaim ai, nichi i tlang tleaung y tavai eaung hai i, ni my saneng tajarei peang.