SAM 106:38 - Khumi Common Language Bible

³⁸ Nichi ly kamngo by y nai mychi i cho chanauchi kypkyp ai tleh iy, Kanan pri mynchi teng y talam u i, mychi i pri y chai hai y bo.

SAM 106:38 ပူးပေါင်းရင်းမြစ်များ

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

Ezekiela 16:20

“Hunaibaly nang ly kai hawi nga nai cho chanauchi ai la i, tawnbawi palawn iy mynchi teng y apathyp bo. Nang ly kai i tlang tleaung y ka-ym by y nai khyh chang y i, paleung anyp y naimy,

Ezekiela 22:3

Sa thai naira angym nai kai, Areng ly huni mary molam y ati mana leu pei mo, nanai hina nai thui pi; Nang ly nangmy i khumi neangneangchi ai padei; mynchi ai chiu nai molam y nangmy ai chai hai y nai deaungkho y, nang i neng kani ly ang tym dudu bo.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 18:25

Nichi i sa nai kalopchi ly mychi i awm nai pri y chai hai y nai ne; hunai deaungkho y Areng ly huni pri ai pajeng iy, huni khumichi ai patheu vui ai.

Kati Nai 35:33

Tangka talam lawh baly nangchi i awm nai pri y chai y naira tym ai. Khumi ai padei nai ly pri y chai hai y nai ne. Hunai deaungkho y pri y khumi leaungrei ai padei lawh baly, padei nai keung ai padei teang iy naini, huni pri y chai hai teang thai nai ne.

Leu Thui Nai 21:9

Naibaly Areng i kangai sa nai deaungkho y, nangchi ly khumi kadei nai kamngo tlo y ai.