SAM 106:37 - Khumi Common Language Bible

³⁷ Nichi ly mychi i cho chanauchi ai tawnbawi kamta palawn iy, Kanan pri i mynchi teng y apathyp u bo.

SAM 106:37 ပူးပေါင်းရင်းမြစ်များ

2 ARENG KEH 16:3

Israela samrangchi i sa nai kamta sa. Ni ly Israela chengchi my tavai tiu nai thym khala, Areng my patheu pi vui nai khumichi i amso ngai hawi nai reitachi kamta sa iy, amy i chapo ai malawn py leng patlum nai kapathypra palawn nai mynchi teng y talam bo.

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 NENG SATANG 11:15

Jeroboam ly myn chiu nai meingtymchi ai py, vawinamchi hawi my i sa nai sicho mynchi ai chiu sa naira y py, kalop sa ai nai my i ngai nai khumichi ai, pathyp pi nai keungchi ra y khai takhra bo.

ISAIA 57:5

Nangmychi i khai takhra nai dengkeaung keungchi anui y kamthu kamleaung sa nai hawimy, khaileaung hawi hai nai tameuhchi ai chiu u bo. Mychi i cho chanauchi ai tavo jawn sahawi y awm nai lengseaung tapiuchira y apathyp u.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 7:31

Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.

Ezekiela 20:26

Nichi ly mymychi i chapo chanauchi ai apathyp nai hawimy, mymychi ai chai hai y ai nai sa thai naira kapei pi. Huna nai sa thai naira kapei pi nai ly kai ly Areng ne, nanai patei ai nai hawi, nichi ai pajeng ai nai ne.

Ezekiela 20:31

Nangchi ly vaini khrairei nichi i talam nai kapathyprachi talam naimy, mynchi teng y mymychi i cho chanauchi ai leang patlum nai kapathypra talam iy, amymy ai chai hai y bo. Nangchi Israela chengchi awi, nangchi ly kai teng y jeu iy kai i kangai deng u bo. Kai ly heng nai Areng Tameuh ne nai deaungkho y, mana mo i py nangchi ai leu deng ai nai kang pei y.

Ezekiela 23:37

Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.

Ezekiela 23:47

Nini ai lengseaung hawi aphi iy haisau hawi tleh; nini i cho chanauchi ai tleh iy yhmchi py mai leng pawn.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

ROM AVANGCHI TENG Y PAWLA I CHA PA NAI 9:20

Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?

I KORINTH 10:20

Na i py Cheng Takhrachi i apathyp nai ly Tameuh teng y apathyp nai ny y leang, vawinamchi teng y apathyp nai teu; nangchi ly vawinamchi hawi amtaw ai nai kang ngai hai y leang.

Leu Thui Nai 18:10

Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,

Leu Thui Nai 32:17

Nichi ly amsi pajochi chiu vai y nai, Israela chengchi ahihawi vai y nai, tameuh takhrachi teng y apathyp u lawh.