SAM 106:21 - Khumi Common Language Bible

²¹ Aikupta pri y lyh ai hawi nai leaungsaichi hawi, mymychi ai atleu pi nai Tameuh ai tami u bo.

SAM 106:21 ပူးပေါင်းရင်းမြစ်များ

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

SAM 135:9

Huni pri y awm nai samrang Pharao hawi, ni i miteaung keh bawibawichi ai pajeng ai nai molam y, mymy ly rengrang ka-ma-rachi hawi, lyh ai hawi naichi sa pi nai ne.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

LUKA 1:47

Kai i phailo py kai ai Paheng nai Keung Tameuh teng y amo theu parai bo.

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 6:22

Mymy ly Aikupta chengchi teng py, nichi i samrang hawi bangtang bawibawichi teng py, rengrang ka-ma-rachi patei iy ka-jei awm nai patangrachi tym hai nai sai amychi i mei y niu u bo.

TITA 1:3

naibaly neng angym khyp nai khala y achi ai Paheng nai Keung Tameuh i leu pei nai kamta ly kai teng y ang au nai i saho y mymy i leu amteng hai bo;

TITA 2:10

ka-ym awm naira kahawi bawibawi amteng hai iy, mymychi i yhmkeungchi i kangai awm iy ati cheaungkhangra y nichi ai kawn hai ai nai pachei.

TARA CHIH NAI KEUNGCHI 8:34

mymychi ai taki teungtareung nanai paleung ka-echi kiu i atleu pi nai keung Areng Tameuh ai chiu u y.