SAM 106:2 - Khumi Common Language Bible

² Mymy i sa nai lyh ai hawi parai nai bawibawichi ai, ami thui pajau ai mo? Mymy i nang parai nai bawibawichi ai ami palo pajau ai mo?

SAM 106:2 ပူးပေါင်းရင်းမြစ်များ

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

EPHESI 1:19

achi ym nai keungchi mang y mymy i atiti sa thai naira khri pa-rei len nai saichi ly mana atawm mo, nanai nangchi ly pany u pajau thai ai nai,

EPHESI 3:18

khumi kachai bawibawichi hawi huni i kau nai sai hawi, sau nai sai hawi, asang nai sai hawi, thiu nai sai py hawihai palai pany y thai ai nai hawi,