SAM 105:44 - Khumi Common Language Bible

⁴⁴ Mymy ly nichi teng y khumi takhrachi i prichi pei pi nai deaungkho y, nichi ly huni khumichi i li hlauchi nga nai ne.

SAM 105:44 ပူးပေါင်းရင်းမြစ်များ

2 ARENG KEH 17:37

Nangchi i vui kaimy tajiu pi nai reitachi hawi leu pei naichi tangai u jojo ai nai tla. Nangchi ly tameuh takhrachi i leu tangai u moh.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

JOSUA 21:43

Hina nai kamta Areng ly Israela chengchi i amsi pajochi teng y pei ai, nanai adeu hai nai pri verei ai, nichi ai pei pi nai ne. Nichi ly huni pri ai peang vui iy, hu y khuteng sa u bo.

JOSUA 23:4

Kai ly nisi mang Jordan tavo dengdairei, nidym mang Mrithe pangli y khrairei tiu i, pajau vui nai pri bawibawichi hawi vanrei tiu ai awm rai nai prichi ai, nangchi i theaungchi teng y phy paji pi chum bo.

JOSUA 24:13

Nangchi my thawn vai y, so vai y nai khaileaung meingtym hawi, so vai y nai marychi ai nangchi teng y kang pei bo. Vai ly nangchi huni khaileaung y awm iy, nangchi ui y nai kreip akho hawi, Olive akhochi ra i dengdairei, athai cha u nai ne,” napi.

JOSUA 24:8

Naibaly kai ly nangchi ai Amori chengchi awm nai Jordan tavo nisi mang y kapahawi bo. Nichi my nangchi ai ang tiu teu i py, kai ly nangchi ai eaung hai. Nangchi ly nichi i pri ai tiu pajau nai khala, kai ly nichi ai katamyh pawn nai ne.

JOSUA 5:11

Khawn mang y nichi ly Kanan pri i choh hawi sa nai tako hawi, angbo abawi y nai tako cha u angchei bo.