SAM 105:43 - Khumi Common Language Bible

⁴³ Hunai deaungkho y mymy ly mymy i khumichi ai pahawi nai ne; nichi ly amo theu naimy khulym thui iy aeu u bo.

SAM 105:43 ပူးပေါင်းရင်းမြစ်များ

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

SAM 106:5

Kai ai nang i khumichi nang chawn nai niu ai nai pei ba; nang i pri khumichi amo theu naira y py, nang i peang nai khumichi amo theu amlyh naira y py, kai ai tabawi kyh ba.

THEU NAI 14:8

Areng ly samrang i paleung tang hai iy Israela chengchi ai hui u bo; Israela chengchi ly amo theu sau naimy theu u nai ne.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

AMTAW 13:17

Hini Israela chengchi i Tameuh ly achi i amsi sangumchi ai vawi i, khumichi Aikupta pri y awm nai khala y ly nichi ai tahm pasang iy, salo keh i kiu my hu i dengdairei nichi ai pahawi bo.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

JOSUA 24:5

Hunaibaly kai ly Mosi hawi Aron ai pato iy, Aikupta pri y ka-jei awm parai naichi katym hai chum baly, nangchi ai kang pahawi bo.

TARA CHIH NAI KEUNGCHI 6:9

Aikupta pri khumichi teng i nai py, hini pri y awm nai nangchi ai tiu nai khumichi teng i nai py, atleu pi bo. Nangchi theu u nai thym khala, nichi ai patheu pawn iy, nichi i pri ly nangchi teng y kang pei bo.