SAM 105:16 - Khumi Common Language Bible

¹⁶ Areng ly nichi i pri y teicha teinei takang hai nai deaungkho y, teicha teinei avaw nai khala y,

SAM 105:16 ပူးပေါင်းရင်းမြစ်များ

ATITI AWM ANGCHEI NAI 41:54

Naibaly Josepha i thui nai kamta saneng saryhrei takang theu ai nai ly amteaung bo. Pri tleirei y py khri pa-rei takang theu; na i py Aikupta pri y ly choh neangneang awm nai ne.

ATITI AWM ANGCHEI NAI 47:13

Takang theu nai khri pa-rei ho nai deaungkho y meingtym tleirei y cha nei takang bo. Aikupta pri i khumichi py, Kanan pri i khumi py biu ka-lam y khri pa-rei patang u nai ne.

ATITI AWM ANGCHEI NAI 47:19

Kaichi ai dei hai mo kaau ly kaichi i vui sai sairei so pi kyh! Kaichi i li hlau phra hai moh kyh. Kaichi ai biu choh pei nai deaungkho y, kaimychi hawi kaimychi i li hlauchi van pi kyh. Kaichi ly samrang Pharao teng y miseaung achei ai khyh bo. Li hlauchi py samrang teng y au ai. Kaichi dei y ai nai py, li hlauchi kasa u ai nai py choh bai palo pei kyh,” nanai takeng u.

2 ARENG KEH 8:1

Elisa ly mymy paheng pi teang nai deaungdi i amhm, Shunem mary i neampachy teng y, “Areng my pri verei y saneng saryhrei takang theu hai ai; hunai deaungkho y nang ly nangmy i yhm dengtheungchi hawi vanrei, meingtym takhra mang y ang pyn vui ba,” napi.

SAM 104:15

amy ai amo theu hai nai kreip hang py, awm nai sai khesere hai ai nai olive asitui py, tlang atho lawm hai ai nai teicha teinei py, nga pajau nai ne.

ISAIA 3:1

Vai ly aw Areng, ati cheaungkhang sa thai nai keung Areng ly khumi mipuichi my paleung pado nai khumi ngiereichi hawi vawnsai ateaung ngiereichi ai, Jerusalem mary hawi Juda pri dengdairei, vym pi pawn ai bo. Mymy ly nichi i teicha teineichi vym pi pawn ai.

Ezekiela 4:16

Naibaly mymy ly “Nang khumi cho awi, kai ly Jerusalem mary y teicha teinei avaw hai ai. Huni mary i khumichi ly paleung mawn u ai i, mymychi i teicha teineichi neh khyp iy cha nei u ai nai tla ai.

Levi 26:26

Kai ly teicha teinei takang hai nai deaungkho y, neampachy leaung horei paawp ai nai tako ly neampachy leaungrei my paawp ai nai takeang harei ka-lawn awm khyh ai. Nangchi ly huni tako apaji iy lawnlen y naimy cha u ai.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

HAKAI 2:17

Kai ly nangchi atho sa iy pati nai amti amjang ngiereichi ai ali kabi hawi py, kaleung my cha iy jeirawm hai nai py, ji amai hawi py taphra bo. Na i py nangchi uikheih u y.

AMTAW 7:11

“Naibaly Aikupta pri hawi Kanan pri bawibawi y ly takang theu i, khrikhri pa-rei patang naira tym bo; achi i amsi sangumchi py cha ai nai pipi ngo pajau y bo.

AMTENG HAI NAI 6:8

Hunaibaly kai ly khen i, khen cham, keaungngo ka-mang harei awm:huni tleaung y atang nai keung i amyn ly Dei Naira ne: naibaly Tavau Kho ly ni teng y abang bo. Naibaly nini ly haisau hawi, takang theu hai nai hawi, kanghawi kanglai tym hai nai hawi, khaileaung i mawi kasichi ai py teaung iy, khaileaung phy palyhrei ra y phyrei y padei ai nai leu nga bo.