7 Nangmy parip nai khala y tuichi ly angpreng pawn; tuichi ly nang i kani pajyh hai nai katyn thai nai khala, leaung kaliki na bo.
Tameuh my paleaung pui theung y awm nai, Nova hawi amso mawichi ai pany jo nai ne; mymy ly ali aho hai i tui ly kang dudu bo.
Mymy ly pangli kamsen ai leu pei baly, huni ly tui kang vui nai ne; naibaly mymy i khumichi ai tui kang nai pangli tako prei ai nai pahawi bo.
Aw Areng, nang ly paleung ka-echi ai kado katheu hang hai nai raawi hawimy parip nai khala, suida pangli paichi khaileaung py, khaileaung i sangum langdengchi py, am-eaung seaungkhrang na bo.
Nang i alipakang katyn ly amsau na i, amlosadi kangvang py, khaileaung pri verei y ang teaung na; khaileaung ly amchyh neung na bo.
Mymy ly kani mang y khupanymchi ai meingtym tasyh pi nai neng, pangli tuino khochi paeaung nai neng khala py kai awm.
Naibaly mymy ly anglaw i ali ai jo iy, ang teng y py, “Anawn ly, awm pypy jau,” napi. Naibaly ali ly aham i rym chauchau bo.