SAM 104:30 - Khumi Common Language Bible

³⁰ Na i py nang ly nichi ai taho hai nai khala y, nichi ly sa palai teang naira nga bo; nang ly khaileaung pri ai kangtha lawm hai teang nai ne.

SAM 104:30 ပူးပေါင်းရင်းမြစ်များ

JOBA 12:10

Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

JOBA 26:13

Mymy ly my i taho nai ali hawi kani khusang chai hai iy, preang veng nai pangli naka ai, mymy i kiu hawi padei vui bo.

JOBA 33:4

Tameuh i phailo ly achi ai sa iy, hengra py pei nai ne.

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

ISAIA 65:17

Areng my, “Khaileaung kangtha hawi kani kangtha sa ai. Jangni khala i atiti awm naichi ly tama pawn veng ai.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

Ezekiela 37:5

Sa thai naira angym nai kai, Areng my leu pei nai ly nichi teng y kai my nangchi theung y taho hai thai nai ali pakun pi iy, nangchi ai heng hai ali teang ai.

Ezekiela 37:6

Nangchi teng y athovuichi hawi ngan bawichi lyn hai iy, peihchi hawi mym pi ai. Nangchi theung y taho hai thai nai ali pakun pi ai i, nangchi ai heng hai ali teang ai. Huna nai khala kai ly Areng ne, nanai nangchi pany u ai,” napi.

Ezekiela 37:9

Tameuh my kai teng y, “Nang khumicho awi, ali teng y amo leu thui pi; khuteng taki palyhrei mang aho ly hini khumi kadeichi heng ali teang ai nai taho hai thai nai ali pakun pi ai nai, sa thai naira angym nai Areng my leu ang pei, nanai ali teang y leu pei,” napi.

EPHESI 2:1

Nangchi py nangchi i taphra nai hawi kamngo nai deaungkho y dei u nai thym khala i nai ly nangchi ai ang paheng bo;

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

AMTENG HAI NAI 21:5

Naibaly areng atehra tleaung y ateh nai keung my ly, “Khen cham, ati cheaungkhang kangtha kasa,” napi. Naibaly mymy ly “Tajiu ly, hini leu bawibawi ly ka-ym awm nai py kateng ne lawh,” napi.