SAM 103:20 - Khumi Common Language Bible

²⁰ Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

SAM 103:20 ပူးပေါင်းရင်းမြစ်များ

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

SAM 148:2

Kani pri amtaw thau nai bawibawichi hawi kani pri tavailu bawibawichi awi, mymy ai ly palo u.

SAM 148:5

Huni atiti bawibawichi ly Areng i amyn palo u sy! Mymy ly leu pei iy hunichi ai sa nai ne.

SAM 29:1

Aw kani pri chochi awi, Areng ai ly palo u. Mymy i nang parai nai hawi sa thai naira ai palo u.

SAM 78:25

Hunai deaungkho y nichi ly kani pri amtaw thau naichi i teicha teinei cha ai nai nga u; Tameuh my nichi ai kajeu kawi pa-rei pacho bo.

ISAIA 6:2

Mai kadeu angveaung nanai Charabenchi ly mymy ai taki teungtareung nai ne. Nichi ly pakhi tariu tariurei awm; nichi ly pakhi nyhrei hawi meimai y py, takhra pakhi nyhrei hawi tlang y py khiu iy, huni bo i pakhi nyhrei ai ly akheang naira y teaung nai ne.

DANIELA 11:1

Ni ly kai ai sabawm nai hawi ama hai nai keung ne.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

MATTHAI 26:53

Vai py kani pri i amtaw thau naichi sang tariurei nai meingtym holai nyhrei nai tleaung y nawi keh nai ang pato pi ai nai Ngaai teng y katakeng pajau y, nanai athang khai u a?

MATTHAI 6:10

Nangmy i peang nai tym sy, Nangmy kangai kani pri y sa nai kamta Khaileaung prichi py so u teang sy.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?