SAM 103:18 - Khumi Common Language Bible

¹⁸ Mymy i Leu Maikawm ai kry iy, Reita leu pei naichi ai ka-ym awm naimy sa patawm naichi i tlang tleaung y, mymy i pahen naira ly katu chanau khrairei tym nai ne.

SAM 103:18 ပူးပေါင်းရင်းမြစ်များ

2 NENG SATANG 34:31

Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.

SAM 132:12

Samrang lawm iy peang jojo ai nai nga u ai,” nanai nang i miseaung Davida teng y vaineng abeu bo; nang ly huni adeu nai leu ai ajiu ali teang ai ny y.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

THEU NAI 24:8

Naibaly Mosi my thi kadeng nai rahumchi la i ni my, “Hini thi ly Areng my leu pei nai nangchi hawi Leu Maikawm khaw hai typ nai ne,” napi nai thui nai tarawi y mipuichi i tlang tleaung y katheng bo.

LEU KACHENG 3:1

Deang awi, kai i patiu pi naichi tami moh; kai i leu pei naichi pany jo ba.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

Kati Nai 15:40

Kai i leu pei nai ngiereichi teaung patawm ai nai hini thaiphelawmchi my nangchi ai pany hai nai deaungkho y, nangchi ly kai i khumichi lawm u ai.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

AMTAW 24:16

hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

Leu Thui Nai 4:23

Nangchi i Areng Tameuh my nangchi hawi asa nai Leu Maikawm ai ly pany jo ba. Mymy i leu phai tangai u, nangchi i vui y takhra mynchi so u moh.

Leu Thui Nai 7:12

“Nangchi ly hini leu pei naichi ai ka-ym awm parai naimy tangai u baly, nangchi i Areng Tameuh my nangchi i amsi pajochi teng y adeu nai kamta, Leu Maikawm ai khaw hai jojo ai i, mymy i khaw parai nai tamen nai sai py patei ai.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.