SAM 103:13 - Khumi Common Language Bible

¹³ Ampo ly chanauchi ai pahen nai kamta, Areng ly mymy ai jei naimy tahm khai naichi ai pahen nai ne.

SAM 103:13 ပူးပေါင်းရင်းမြစ်များ

SAM 103:11

Khaileaung salo y awm nai kani khusang ly asang nai kamta, mymy ai jei naimy tahm khai naichi i vui khai pi nai tamen naira ly len parai.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

LEU KACHENG 3:12

Amhm ampo ly tahm khai ai hawi nai chapo ai thui parip reng nai kamta, Areng my py, mymy i tamen nai khumichi ai pajeng reng nai ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

Kati Nai 11:12

Kai ly nichi ai sa nai py ny y, nichi ai katapen nai py ny y! Nang ly nichi i amsi pajochi teng y pei ai adeu nai pri y chei nai lam jeungrei, ati mana nai kai ai deaungdi katyp khumi palawn iy, nichi ai peu hai lawh mo?

MATTHAI 6:32

nanai paleung bi u moh. Cheng Takhrachi ly hunichi bawibawi hau nai ne. Hunichi bawibawi ly nangchi aly aeang, nanai Ngampo kani pri mang y awm nai my ly ang pany pi yb nai bo.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

Leu Thui Nai 3:5

Huni mary bawibawichi ly apai ka-sang, apai katheu pa-khochi hawi apai katheu pa-kho lengteaungchi awm nai deaungkho y, khaw parai nai marychi ne. Apai by y nai avangchi py neangneang awm.