SAM 103:11 - Khumi Common Language Bible

¹¹ Khaileaung salo y awm nai kani khusang ly asang nai kamta, mymy ai jei naimy tahm khai naichi i vui khai pi nai tamen naira ly len parai.

SAM 103:11 ပူးပေါင်းရင်းမြစ်များ

JOBA 22:12

Tameuh ly kani pri mang y awm nai ny y a? Mymy ly kani khusang asang parai naira y awm nai ka-si taukichi ai malawn py, meung iy khen nai ny y lawh a?

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 117:2

Mymy i achi ai tamen nai sai ly deungtasarei ka-ym awm nai ne. Areng ai palo u!

SAM 31:20

Khumichi i dawn paviu naira i nai law tleaung hai ai nai nang teng y abyh nai khumichi ai, nang ly nangmy teng y chymme naimy heu vui ba. Paleung ka-echi i khumi aniu y nai sa naichira i nai law tleaung hai ai nai nichi ai chymme nai meingtymra y heu me ba.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 57:10

Nang i khaw parai nai tamen naira ly kani mang y khrairei py, nang i ka-ym awm nai ly kani laileaung y khrairei py tym nai ne.

SAM 89:2

Nang i tamen naira ly deungtasa khaw iy, ka-ym awm nai py kani khusang kamta khaw, nanai kai pany bo.

LEU KACHENG 25:3

Samrang i paleung ly mana khala py, achi pany pajau y leang. Ni i dawn nai saichi ly kani i asang nai kamta, suida pangli i thiu parai nai kamta, achi pho pajau y leang.

ISAIA 55:9

Kani khusang ly khaileaung tleaung y asang nai kamta, kai i ka-dawnchi ly nangchi i ka-dawnchi tleaung y asang nai ne.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.