SAM 103:1 - Khumi Common Language Bible

¹ Aw kai i phailo, Areng ai palo! kai i tlang paleung phailochi awi, mymy i amyn kachai ai palo u!

SAM 103:1 ပူးပေါင်းရင်းမြစ်များ

SAM 103:22

Areng i sa nai hawi peang naira theung y awm nai heng nai amjy bawibawichi awi, mymy ai palo u. Aw kai i phailo, Areng ai palo!

SAM 104:1

Aw Kai i phailo, Areng ai palo! Aw kai i Areng Tameuh, nang ly khri pa-rei nang parai! Nang ly sa thai naira phum-angchi hawi amthyp nai ne.

SAM 111:1

Areng ai palo! Kai ly Areng i khumichi achu nai theung y mymy i pahen nai sai ai paleung hawi verei palo ai.

SAM 138:1

Aw Areng, kai ly paleung hawi verei, nang ai kawn naimy palo ai; tameuhchi mo y nang ai palo nai khulym thui nai ne.

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 47:7

Tameuh ly khaileaung pri verei i samrang ne; khulymchi hawi mymy ai palo u!

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

SAM 99:3

Khumi bawibawichi ly mymy i nang parai naimy ka-jei hawi nai amyn palo u ai; mymy ly chai parai nai ne!

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

JOHAN 4:24

Tameuh ly Phailo ne; mymy ai chiu nai keungchi ly phailo hawi meitang khyp naimy ni ai chiu ai nai tla,” napi.

I KORINTH 14:15

Tumbaly mana kasa ai mo? Phailo y chiu kasa ai i, pany thai naira y py chiu kasa teang ai; phailo y khulym kathui ai i, pany thai naira y py khulym kathui teang ai.

PHILIPI 1:9

Naibaly kai ly nangchi i tamen naira my pany angym naira hawi dawn pata kawp naira cheaungkhangra y awm nai tleaung y awm ra ai nai chiu kasa reng;

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

AMTENG HAI NAI 4:8

Naibaly huni heng nai amjy palyhrei ly pakhi tariurei awm bawibawi i, anui y py salo y py mei cheichei awm: naibaly nichi ly, “Jangni i dengdairei awm nai hawi, vai awm nai hawi, vai momang y awm ai nai Atiti py Sa Thai Nai Keung Areng Tameuh ly, Kachai, kachai, chai parai na y!” Nanai vum kanithun anawn y naimy thui jojo.