SAM 102:22 - Khumi Common Language Bible

²² Zion mary salo y nang i amyn amthang hai ai; Jerusalem mary y nang i nang parai nai palo u ai.

SAM 102:22 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

ISAIA 52:8

Mary typ nai risachi ly tao pajeng parai nai hawi amo theu parai naimy vanrei aeu u sau bo. Areng ly Zion mary y ang jeu ali teang ai, nanai nichi kypkyp my niu u nai ne.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

MATTHAI 24:14

Naibaly cheng bawibawichi teng y pany hai naira lawn ai nai hini Tameuh my peang nai Satang Kahawi ly khaileaung pri verei y thui pi ai; huni pajau khala y ly tem naira tym ai.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.