SAM 102:2 - Khumi Common Language Bible

² Kai patang naira avum nai thym khala y, meimai hi pi veng mo kyh ba! Kaimy palau nai khala, tangai pi iy pathang pi kaliki kyh ba!

SAM 102:2 ပူးပေါင်းရင်းမြစ်များ

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JOBA 7:21

Nang ly kai i kamngo pahen pi pajau y a? Kai i sa tamang nai pahen pajau y nai sai a? Kra y naimy kai ly tapreaung angawm y kasatla ai; nangmy hau nai khala, kai kaawm ai ny y leaung bo.

SAM 104:29

Nang ly nichi teng i nai meimai hi pi veng nai khala y, nichi ly jei hyn u bo; nang ly nichi i hengra la pi veng nai khala y nichi ly dei i, spryh lawm u ali teang nai ne.

SAM 13:1

Aw Areng, nang ly kai ai mana nai neng ryrei tami ai mo? deungtasarei tami ai a? Mana tanrei meimai hi pi vui ai mo?

SAM 143:7

Aw Areng, vaimy kai i hnei takeng nai pathang pi kyh ba! Kai ly athang khai naira pipi by y na bo. Kai ai meimai hi pi veng moh kyh ba; meimai hi pi vui lawh baly kai ly tavau kho y chei nai khumi kamta lawn ai.

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

SAM 22:19

Aw Areng, kai hawi palo naira y awm vui moh kyh ba! Jeu kaliki iy atleu kyh ba.

SAM 27:9

Kai teng i nai meimai hi vui moh kyh ba!,” Kado theu moh kyh ba. Nang i miseaung kai ai sabawm nai keung ne. Kai ai atleu keung aw Tameuh, kai ai khai su moh kyh ba. Kai ai aphi su moh kyh ba.

SAM 31:2

Kai i hnei takeng nai tangai pi kyh ba! vaimy kai ai atleu kyh ba! Kai ai ama hai ai nai, kai i abyhra lengseaung ne. Ang sabawm ai nai kai i lengseaung yhm ne.

SAM 40:13

Aw Areng, kai ai atleu kyh ba! vaimy sabawm ba!

SAM 69:17

Nang i miseaung ai meimai hi pi veng moh kyh ba; kai i hnei takeng nai ai, vaimy pathang pi kyh jemjem ba!

SAM 70:1

Aw Tameuh, kai ai atleu kyh ba! aw Areng kai ai sabawm kyh ba!

SAM 71:2

Nang ly leu meitang adyh adawi nai deaungkho y, kai ai sabawm kyh ba, atleu kyh ba. Kai i hnei takeng nai ai tangai pi iy atleu kyh ba!

THEU NAI 2:23

Saneng kra parai nai bo y Aikupta samrang ly dei bo. Na i py Israela chengchi ly khri pa-rei patang parai naimy miseaung alaw u y jojo rai i, alawra nga ai nai vo tangam u. Nichi i vo nai raawi ly Tameuh teng y tym nai ne.

THEU NAI 2:24

Tameuh my Abraham, Isaka, Jakob hawi Leu Maikawm sa nai ly pany pi bo.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.