SAM 102:13 - Khumi Common Language Bible

¹³ Nang ly ang thau iy Zion mary ai pahen ai; huni mary ai pahen ai nai nang ly tym bo; vai i neng ly avo khyp nai neng ne.

SAM 102:13 ပူးပေါင်းရင်းမြစ်များ

SAM 135:13

Aw Areng, nang ly Tameuh ne, nanai khumichi ly avawrei thai u ai; nang i amyn ly deung kangthau khrairei amthang jojo ai.

SAM 44:26

Angthau iy kaichi ai sabawm ba! Nang i khaw parai nai tamen nai saho y atleu kyh ba!

SAM 51:18

Aw Tameuh, Zion mary ai pahen iy sabawm kyh ba; Jerusalem mary apaichi ai so pi teang kyh ba.

SAM 7:6

Aw Areng, kado theu naimy ang thau ba! Kai i tlang tleaung y ka-jo hau nai khumichi i kado theu nai paka pi kyh ba. Angthau iy kai ai sabawm ba! Nang ly leu meitang adyh adawi nai ai ngai nai deaungkho y,

SAM 75:2

Tameuh my, “Kai ly tara chih ai nai neng khai rym bo; kai ly leu meitang naimy tara chih ai.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 92:9

Nang i paleung ka-echi ly dei u ai, nanai py, khumi aso y nai bawibawichi ly sum u ai, nanai py, kaichi pany nai ne.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

DANIELA 12:9

Ni my pathang nai ly “Daniela awi, khaileaung pri tem khala khrairei, hini leuchi ai tamym me nai deaungkho y vai, nang ly chei ai nai tla ai.

AMTAW 1:7

Naibaly ni my ly nichi teng y, “Ngaai my neng hawi kani mymy ngaingai awm ai nai sa rym nai ly nangchi pany ai nai avo y leang.

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.