SAM 102:1 - Khumi Common Language Bible

¹ Aw Areng, kai i chiu sa nai tangai pi kyh ba; sabawm ai nai kai i aeu nai raawi tangai pi kyh ba!

SAM 102:1 ပူးပေါင်းရင်းမြစ်များ

2 NENG SATANG 30:27

Pathyp pi nai keungchi hawi Levi theaungchi ly mipuichi i vui, Areng teng i amtheaung naira hnei pi nai deaungkho y, Tameuh ly mymy i awm nai kani pri mang dengdairei, nichi i chiu sa nai pathang pi nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 143:4

Hunai deaungkho y kai ly kasum pei ai nai angchi yb bo; khri pa-rei paleung phra atho di na bo.

SAM 143:7

Aw Areng, vaimy kai i hnei takeng nai pathang pi kyh ba! Kai ly athang khai naira pipi by y na bo. Kai ai meimai hi pi veng moh kyh ba; meimai hi pi vui lawh baly kai ly tavau kho y chei nai khumi kamta lawn ai.

SAM 145:19

Nang ly nangmy ai jei naimy tahm khai nai khumi bawibawichi i ngai naichi sabawm pi; nichi i aeu nai raawi thai iy atleu pi bo.

SAM 18:6

Kai ly patangra avum nai y Areng ai kapalau; kasabawmra nga ai nai kai i Tameuh ai kapalau nai ne. Mymy ly Achura yhm theung i dengdairei kai i palau nai raawi tangai pi bo.

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 5:2

Kai i samrang, kai i Tameuh! sabawm pi ai nai kai i aeu naimy hnei takeng nai tangai pi kyh ba. Aw Areng, kai ly nang teng y chiu kang sa.

SAM 61:2

Kai ly yhm hawi palo i, paleung phra atho di nai deaungkho y, nang ai aeu naimy palau bo! kai ai chymme naira mang y pahawi kyh ba.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 77:3

Kai ly Tameuh i satang adawn pasym nai khala, taho sum na bo; kai ly hawihai palai dawn pasym nai khala y, paleung phra atho di na bo.

THEU NAI 2:23

Saneng kra parai nai bo y Aikupta samrang ly dei bo. Na i py Israela chengchi ly khri pa-rei patang parai naimy miseaung alaw u y jojo rai i, alawra nga ai nai vo tangam u. Nichi i vo nai raawi ly Tameuh teng y tym nai ne.

TANGAM NAI LEU 3:44

Kaichi i chiu sa nai ly kado theu naira veng nanai khupanym ai, ta-i pajau y.

TANGAM NAI LEU 3:8

Kai ly sabawm naira nga ai nai tao pajeng parai naimy aeu teu i py, Tameuh ly tangai pi y nai ne.

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.