SAM 100:5 - Khumi Common Language Bible

⁵ Areng ly hawi nai ne; mymy i tamen nai ly deungtasarei khaw iy, mymy i ka-ym awm nai sai py, deung bawibawi tym pa-rei awm jojo ai.

SAM 100:5 ပူးပေါင်းရင်းမြစ်များ

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

EZARA 3:11

Nichi my Areng ai palo u nai ly “Areng ly hawi, mymy i tamen naira ly Israela chengchi i vui deungtasarei ne,” nanai khulym thui anawira anawira iy Areng ai palo u. Achura yhm leng amteaung chum nai deaungkho y khumi bawibawichi ly Areng ai aeu naimy palo u nai ne.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 107:15

Nichi ly Areng i khaw parai nai tamen nai saho py, mychi ai sa pi nai lyh ai awm nairachi saho py, kawn naimy palo ai.

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 107:8

Nichi ly Areng i tamen naira khaw parai nai molam y py, mychi ai sa pi nai lyh ai awm naichi molam y py, kawn nai leu thui naimy palo u ai.

SAM 119:68

Nang ly khri pa-rei hawi iy pahen na ly! kai ai reita leaungsai patiu pi kyh ba.

SAM 138:8

Nang ly kai teng y adeu pi nai kamta sa pi ai; aw Areng, nang i tamen naira ly deungtasarei ne. Nang i sa amteaung nai kalop ai ly amcheang hai kyh ba.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;