SAM 10:16 - Khumi Common Language Bible

¹⁶ Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 10:16 ပူးပေါင်းရင်းမြစ်များ

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 146:10

Areng ly deungtasarei samrang lawn ai. Aw Zion mary, nang i Tameuh ly deungtasarei peang ai. Areng ai palo u!

SAM 29:10

Areng ly tui thiu parai nairachi ai peang. Mymy ly deungtasa peang nai samrang ne.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

SAM 9:15

Myn y chiu nai khumichi ly mychi i tai nai angawm theung y tla u. Mymychi i pateung nai deaungra y my, man u ali teang bo.

SAM 9:5

Nang ly Tameuh ai pany y nai khumichi ai pajeng bo; khumi hawi y naichi ai taphra pawn nai deaungkho y nichi i cheng ly myh vui ai.

SAM 9:8

Khaileaung pri y leu meitang naimy peang iy, khumi cheng cheaungkhangchi ai adyh adawi naimy tara chih nai ne.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

THEU NAI 15:18

Areng nang ly deungtasarei peang jojo ai,” napi

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

TANGAM NAI LEU 5:19

Na i py aw Areng, nang ly deungtasarei samrang ne. Nang i peang naira ly deungtasarei awm jo ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

Leu Thui Nai 8:20

Nangchi ly Areng i leu tangai u y lawh baly, nangchi tako nai khala nangchi ai paka nai khumichi ai Areng my tama hai nai kamta ly nangchi ai py tama hai ai.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen