SAM 10:15 - Khumi Common Language Bible

¹⁵ Khumi aso y naichi hawi khumi hawi y naichi i sa thai naira ai khei pi pawn ba. Nichi ly hawi y nairachi so ali bi y pa-rei kamngo pajeng pi kyh ba.

SAM 10:15 ပူးပေါင်းရင်းမြစ်များ

JOBA 38:15

Kanithun kangvang ly khumi hawi y naichi i vui khri pa-rei angvang parai nai deaungkho y, khrukhra nairachi so u vam y.

SAM 3:7

Aw Areng! jeu kyh ba; kai i Tameuh! kai ai atleu kyh ba. Mymy ly kai i paleung ka-echi i ta-beng y tabeang iy nichi i ho py patleu pi vui bo.

SAM 37:17

Ati mana nai mo nabaly Areng ly khumi hawi y naichi i atho la pi veng iy, khumi kahawichi ai ama hai ai nai deaungkho y ne.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

Ezekiela 23:48

Nini leaungnyhrei kamta pajang so y ai nai neampachy leilachi ai pany hai ai nai vui y, kai ly pri verei y hawi y sa nai khumichi ai anawn hai ai.

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

ZEKHARIAH 11:17

Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.