SAM 10:14 - Khumi Common Language Bible

¹⁴ Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 10:14 ပူးပေါင်းရင်းမြစ်များ

ATITI AWM ANGCHEI NAI 21:17

Tameuh ly deaungdi i vo nai katyn thai i, kani pri mang y awm nai Tameuh i kani pri amtaw thau naimy Hakara teng y, “Hakara awi, nang ly ati mana nai y paleung bi mo? Mawn reng moh; Tameuh my deaungdi i vo nai katyn thai bo.

ATITI AWM ANGCHEI NAI 31:12

Kani pri amtaw thau my, ‘Khen cham,’ Labana my nang ai sa nai saichi kang niu pi nai deaungkho y tawnbawi nuchi ly ariura naichi apreaungprang naichi hawi asawsa naichi tapen ai nai kang sa pi nai ne.

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

2 ARENG KEH 9:26

‘jangdyh Naboth hawi chapochi ai padei nai kaniu; hunai deaungkho y kai ly nang ai hini meingtym y kang pajeng ai,’ nanai leu pei nai ly pany jo i, Areng my leu pei nai kamta, Joram i veu ai Naboth i khaileaung y api su,” napi nai ne.

2 NENG SATANG 24:22

Samrang ly Zekhariah i ampo Jehojada i mymy teng y ka-ym awm parai naimy kalop sa nai tami vui i, chapo ai padei bo. Zekhariah ly dei enten nai khala, “Areng ly nang i sa nai kalop niu iy nang ai kamngo pajeng na sy!,” nanai thui nai ne.

2 NENG SATANG 6:23

aw Areng, kani pri mang tangai iy, nang i miseaungchi ai tara chih ba. Kamngo by y nai ai ly lawi hai iy mychi i ngai nai kamta, kamngo awm nai khumichi ai ly pasum ba.

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

SAM 22:11

Kai hawi palo naira y awm vui moh kyh ba! Kai ly patang naira avum ai bo. Sabawm ai nai keung leaungrei py by y.

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 35:22

Na i py aw Areng, nang ly hini leaungsai pany nai ne. Na i py aw Areng, awm pypy veng moh ba. Kai hawi kamlo parai naira y awm pi veng moh kyh ba!

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

SAM 68:5

Achura yhm kachai y awm nai Tameuh ly nurochochi ai kry iy, neampachy lumaichi ai ama hai nai ne.

SAM 68:6

Mymy ly bengtlairei awm nai khumichi ai yhmtheaung sa ai nai pei iy, theaung tla nai khumichi ai kawm cheng naira i lawi hai bo; na i py mymy ai tiu nai khumichi ly tui by y nai meingtym y awm u ai nai tla ai.

THEU NAI 2:25

Naibaly mymy i khumi Israela chengchi ly miseaung achei nai, patang nai, niu i adawn pi nai ne.

THEU NAI 22:22

Neampachy lumai hawi nurochi ai ana ai nai tlo y.

THEU NAI 22:26

Nang teng y khumi leaungrei ly ka-ym sa nai kanih khai baly, nang ly kani dym hai y naimy ni teng y pei pi teang ai nai tla.

LEU KACHENG 15:25

Areng ly paleung len nai khumichi i yhmchi taphra pi pawn ai; na i py neampachy lumai i yhm hlau ly kry pi ai.

LEU KACHENG 15:3

Areng ly meingtym tleirei i sa nai saichi ai niu. Mymy ly khumi hawi nai, hawi y naichi i amhi amtlau naichi ai khen nai ne.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JEREMIA 49:11

Nangchi i nurochochi ai kai teng y daw jo ly kaimy khen kry ai mang. Nangchi i neampachy lumaichi ly kai teng y abyh pajau nai ne.

JEREMIA 51:56

Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

TANGAM NAI LEU 3:59

Kai i avum nai teng y nai saichi nang pany i, kai ai meimai khen ly tara chih pi kyh ba.

TANGAM NAI LEU 3:60

Paleung ka-echi ly kai ai mana tanrei niu ngai y na mo, nanai py. kangviu y kai ai mana tiu na mo, nanai py, nang ly pany pi se nai ne.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

Leu Thui Nai 10:18

Mymy ly nurochochi hawi lumai nuchi ai pajyh patleh y naimy pahen pi. Nangchi hawi vanrei awm nai cheng takhrachi ai py tamen nai deaungkho y, nichi cha nei ateaung ai nai molam ka-vo sa pi.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 4:19

Hunai deaungkho y Tameuh i avo hai nai kamta patang naichi ly atiti kahawi sa iy nichi i phailo ai ly Sa nai Keung ka-ym awm parai nai teng y au u sy.

I PETERA 5:7

mymy ly nangchi ai dawn hai reng nai deaungkho y nangchi i paleung bi naira bawibawi ly mymy tleaung y amtei u bebe.

TARA CHIH NAI KEUNGCHI 1:7

Adonibezed my, “Kai ly samrang leaung vui saryhreichi i kiupui hawi kheupuichi katawp pi veng nai ne; nichi ly kai i sabawi anui i, cha nei kamthomchi akhui iy cha u. Vai ly Tameuh my huni khumichi ai kasa nai kamta, kai ai ang sa nai bo. " nanai thui. Ni ai ly Jerusalem mary y hawi i, huni mary y dei bo.