RUTHI 4:13 - Khumi Common Language Bible

¹³ Hunaibaly Boaza ly Ruthi ai pom i, yhm y vawi hai bo. Areng my Ruthi ai amtheaung hai nai deaungkho y, ni ly deaungdi aniu i, chapo tapen.

RUTHI 4:13 ပူးပေါင်းရင်းမြစ်များ

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

ATITI AWM ANGCHEI NAI 25:21

Rebeka ly deaungdi so y nai deaungkho y Isaka my Areng teng y chiu sa. Areng my chiu sa nai pathang pi i, Rebeka ly deaungdi aniu bo.

ATITI AWM ANGCHEI NAI 29:31

Jakob ly Rakeli y tanrei Leah ai tamen y nai sai Areng my pany i Leah ai chanau sa ai nai ka-vo sa pi, na i py Rakeli ai ly teng hai bo.

ATITI AWM ANGCHEI NAI 30:2

Huna nai khala Jakob ly Rakeli ai kado theu hai i, “Kai ly Tameuh lawh sai a? Mymy leaungrei naini nang ai deaungdi tapen hai pajau khyh nai ne,” napi.

ATITI AWM ANGCHEI NAI 33:5

Esaw ly khen aki prei i, neampachychi hawi deaungdichi ai niu baly, “Nang hawi vanrei abawi nai hini khumichi ly amichi mo?” nanai deng. Jakob my, “Jai awi, hinichi ly Tameuh my ang pei nai kai i chanauchi ne,” napi.

SAM 113:9

Mymy ly teng nai neampachy ai tahm pasang i, cho chanauchi nga hai iy amo theu hai bo. Areng ai palo u!

SAM 127:3

Cho chanauchi ly Areng my pei nai langseaungchi ne; nichi ly amtheaung hai naira tatangchi ne.

RUTHI 3:11

Ruthi awi, vai ly paleung mawn moh, nang i thui nai kamta kai sa pi ai mang. Nang ly kaja hawi nai neampachy leaungrei ne, nanai mary vereichi my pany bawi nai ne.

RUTHI 4:12

Hini neampachy i saho y Areng my amtheaung hai nai cho chanauchi ly Juda hawi Tamar nini i chapo Perez i yhm dengtheungchi kamta, lawm u sy,” napi.

1 SAMUELA 1:27

Kai ly Areng teng y hini deaungdi ai kahnei nai ne; kahnei nai kamta mymy ly ang pei bo.

1 SAMUELA 2:5

Vaichi khala kajeu kawi nai khumichi ly vai i neng y cha-nei ai nai vui tham ai nai tla bo; na i py cha-nei avaw naichi ly bym pa-rei cha ai nai nga bo. Teng nai neampachy ly deaungdi leaung saryhrei tapen; na i py chanau sawi nai amhm ly leaungrei py by y leang bo.