RUTHI 4:11 - Khumi Common Language Bible

¹¹ Mary i miteaung kehchi hawi hu y awm nai khumichi my py, “Kaichi ly pany hai nai keungchi ne mang. Nang i aju ai py Jakob i vui cho chanau neangneang tapen pi nai Rakeli hawi Leah nini ai kamta, Areng my lawm hai sy. Nang ai py Ephrath nupai theung y nang chawn naimy Bethlehem y amyn amthang nai khumi lawm sy.

RUTHI 4:11 ပူးပေါင်းရင်းမြစ်များ

ATITI AWM ANGCHEI NAI 23:10

Ephron py mychi Hiti chengchi hawi vanrei, leu arum nai meingtym mary apai pa-kho y ateh teang nai ne; huni meingtym y awm achu nai khumi bawibawichi i ka-thai y,

ATITI AWM ANGCHEI NAI 24:60

Naibaly nichi my, “Kaichi i tuicho ly kati pajau y nai khumi cheaungkhangchi i amhm lawm sy; Nang i kangpreangchi ly paleung ka-echi i marychi ai py eaung u sy!” nanai Rebeka ai amtheaungra pei nai ne.

ATITI AWM ANGCHEI NAI 29:16

Labana ly chaniu leaung nyhrei awm; Kalen ly Leah ne i, katheang ly Rakeli ne.

ATITI AWM ANGCHEI NAI 29:25

Khawn mang y Jakob my mymy i aju ly Leah ne lawh nai pany i Labana teng y chei iy, “Hina nai kamta mana sa lawh mo? Rakeli ai nga ai nai i vui y kalop kang sa pi nai ne. Ati mana nai kai ai tapawp lawh mo?” napi.

ATITI AWM ANGCHEI NAI 29:32

Leah ly deaungdi aniu i chapo tapen. Mymy ly “Areng my kai i patang nai ang niu i, vai ly kai ai py kai i juvo my tamen teang ai,” nanai thui i, huni chapo ai Ruben, nanai amyn pathi bo.

ATITI AWM ANGCHEI NAI 35:23

Leah my tapen nai chapochi ly Ruben, (Jakob i chapo chalu) Simeon, Levi, Juda, Isakhar hawi Zebulunchi ne.

ATITI AWM ANGCHEI NAI 35:24

Rakeli i chapochi ly Josepha hawi Benjamin ne.

1 ARENG KEH 21:8

Naibaly Jezabela ly cha tajiu iy Ahab i amyn y lamai nip i, samrang i pajawp typ nai ka-ma-ra hawi pajawp hai typ chum baly, Jezarela mary i khumichi ai lu sa nai keungchi hawi bangtangchi teng y pei.

1 NENG SATANG 2:51

Shobala i pa-nyh chapo Salma ly Bethlehem mary ai palum iy, ni i pa-thom chapo Harep ly Bekada mary ai palum nai ne.

SAM 132:6

Bethlehem mary y Leu Maikawm Pawm satang achi thai i, huni Pawm ai ly Jarim adym y niu u nai ne.

LEU KACHENG 14:1

Neampachychi i cheng naira my ly yhm dengtheungchi ai khaw hai; na i py akhum naimy ly hunichi ai taphra reng nai ne.

LEU KACHENG 31:23

Ni i juvo ly mary ai lu sa nai keung leaungrei ne i, amyn amthang nai khumi ne.

JEREMIA 32:10

Kai ly pany hai nai keungchi i mo y sumneang akhai nai cha lamai nip iy, pajawp typ nai ka-ma-ra nip chum baly, tangka ly sie y neh iy pei pi nai ne.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

Leu Thui Nai 25:7

Na i py amnau ly dei vui nai i amjo ai kup ryp ai nai ngai y lawh baly, huni neampachy ly mary theung i miteaung kehchi teng y chei iy, ‘Kai i juvo i amnau ly Israela cheng theung y, amjo i kangpreang awm jo ai nai ngai hai y lawh,’ nanai amti pi ai nai tla.

Leu Thui Nai 25:9

amjo i aju lumai ly mary i miteaung kehchi mo y huni khumi i phainai pheirei leng vui iy neampacho i meimai y pachi pathawi nai tarawi y, ‘Amjo i kangpreang peung hai ai nai ngai y nai khumi ai ly hina nai sa ai nai ataing,’ nanai thui ai nai tla.