RUTHI 3:10 - Khumi Common Language Bible

¹⁰ Naibaly Boaza my, “Areng my nang ai amtheaung hai sy, vai nang i sa nai sai ly vaichi khala ngamni tlang tleaung y sa nai tleaung y malawn py, nang i ka-ym awm nai sai amteng bo. Nang ly khumi kamawn, ti y baly khumi kanang thawndeang leaung leaungrei hawi yhmtheaung sa pajau teu i py so y.

RUTHI 3:10 ပူးပေါင်းရင်းမြစ်များ

ATITI AWM ANGCHEI NAI 24:31

“Areng my amtheaung hai nai khumi awi, kai i yhm y jeu bei. Ati mana nai hi y angdo jo lawh mo? Kai i yhm y nang anga ai nai ka-vo sa yb bo; nang i kula-iuchi i vui py meingtym awm,” napi.

RUTHI 1:8

Naomi my lengngo ni teng y, “Nangni ly nangmyni i amhmchi teng y phai vawi hawi teang teu. Nangni ly kai i tlang tleaung y py, dei chum naichi i tlang tleaung y py, atiti kahawi sa pi nai kamta, nangni i tlang tleaung py Areng my kahawi so pi na sy.

RUTHI 2:11

Boaza my, “Nang ly juvo dei nai bo i ka-so, ngamni ai mana tanrei kry na mo, nanai kai thai chum veng bo. Nang ly nangmy i ngamhm ngampochi hawi, nangmy i pri khai su iy, jangni y py avum vai y, niu vai y nai khumichi theung y awm ai nai jeu nai sai py kai pany bo.

RUTHI 2:20

Naomi my, “Areng ly Boaza ai amtheaung hai sy! Areng ly heng nai khumi, dei nai khumichi teng y py, mymy i adeu nai leu ly khaw hai jojo sy!” nanai thui chum baly mymy ly “Hini khumi ly achi hawi amjo amnau kypkyp ne i, ni ly achi ai ang kry ai nai keungko ne,” napi.

RUTHI 2:4

Neng kra kyh nai bo y Boaza ly Bethlehem mary i nai tym i, mymy i kalop sa naichi teng y, “Areng ly nangchi hawi vanrei awm hai sy!” napi i, nichi my py, “Areng ly nang ai py amtheaung hai sy,” nanai pathang u teang.

RUTHI 3:9

“Nang ly ami mo?” nanai deng. Ruthi my, “Kai ly Ruthi ne areng awi, ati mana nai mo nabaly nang ly kai hawi amtawn abi nai ne i, nang my kai ai kry ai nai ne. Hunai deaungkho y pahen parai naimy kai ai lo ba,” napi.

1 SAMUELA 15:13

Samuela ly Sawla awm naira y tym i, Sawla my, “Nang ai Areng my amtheaung hai sy! kai ly Areng i leu pei naichi katangai bo,” nanai thui iy lamchung bo.