RUTHI 1:17 - Khumi Common Language Bible

¹⁷ Ni nang i dei naira y, kai py dei teang ai; huni tapreaung y kai py a-up teang ai. Kai ly deira my taprei nai ny y naimy, sai sairei molam y ni nang hawi amprei lawh baly, Areng my kai ai hawi y keh nai pajengra tym hai teu sy!” napi.

RUTHI 1:17 ပူးပေါင်းရင်းမြစ်များ

2 SAMUELA 15:21

Na i py Itai my, “Samrang awi, kai ly dei ai nai ne teu i py, samrang nang i chei naira tleirei y abang veangveang ai, nanai Areng i amyn y kai ly vaineng abeu bo,” nanai pathang.

2 SAMUELA 19:13

Huni bo y Davida ly Amasa teng y, “Nang ly kai i amjo amnau ne; vai i dengdairei nang ai Juaba i meingtym tavailu areng kehra y kang khai bo. Kai ly huna nai kaso y lawh baly, Tameuh my kai ai dei pa-rei pajeng na sy!” nanai amti pi ai nai py leu pei bo.

2 SAMUELA 3:35

Teicha teinei cha nei ai nai Davida ai khumichi my kani khengrei parawi teu i py samrang my, “Kai ly kani avah y rai khala y cha nei lawh baly, Tameuh my kai ai dei pa-rei pajeng na sy,” nanai vaineng abeu bo.

2 SAMUELA 3:9

Areng ly Sawla ai ni i katu chanauchi teng i nai pri la pi vui iy, Davida teng y pri khuteng taki y khrairei, Israela pri hawi Juda prichi i samrang y palyn ai nai adeu yb bo. Vai py kai ly huni adeu nai leu angym pa-rei so y lawh baly, Tameuh my kai ai dei pa-rei pajeng sy!,” napi.

1 ARENG KEH 13:31

Hunaibaly amo miteaung pui ly my i chapochi teng y, “Kai dei nai khala y hini tapreaung, ni i angawm sahawi y up teang ba.

1 ARENG KEH 19:2

Jezabela ly Elija teng y, “Kai ly khawndam hini neng tym nai khala y amochi ai nang i sa nai kamta nang i tlang tleaung y kaso y lawh baly, tameuhchi my kai ai dei ai nai pa-rei pajeng sy,” nanai khumi pato iy thui hai bo.

1 ARENG KEH 2:23

Naibaly Solomon my, “Hinai kamta hnei lawh nai y, Adonijah ai kai padei y lawh baly, Tameuh my kai ai padei sy!

1 ARENG KEH 20:10

samrang Benhada my, “Nang i mary taphra iy lengseaung katleu kiu hawi tawn pajau ai nai, khumi neangneang kanghawi eung ai. Hina nai kaso y lawh baly tameuhchi my kai ai dei pa-rei pajeng sy, nanai leu ang pei,” napi.

2 ARENG KEH 6:31

Samrang my, “Vaini kani avah y rai khala, Elisa i lu katameang y lawh baly, Tameuh my kai ai dei pa-rei pajeng na sy!” nanai vaineng abeu bo.

SAM 45:10

Samrang i aju awi, kai i thui nai leu tangai ba. Nang ly nangmy i chengchi hawi, amjychi ai tami veng ba.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

RUTHI 1:16

Na i py Ruthi my, “Ni nang hawi amprei vui ai nai kai ai atho so hai moh! Kai ly nang hawi vanrei abang ai. Kai ly ni nang i chei naira mang y chei ai; ni nang i awm naira y kai py awm teang ai. Ni nang i chengchi ly kai i chengchi ne, nang i Tameuh ly kai i Tameuh ne.

RUTHI 4:15

Nang i lengngo ly nang ai tamen nai deaungkho y, chapo leaung saryhreichi tleaung y malawn py, nang ai ang kry nai neampachy ne. Vaini ly lengngo my katu neampacho ang tapen pi bo. Huni deaungdi ly nang ai heng hawihai ai i, nang miteaung cheang nai pajau pakhui y nai khala ang awm hai nem ai,” napi u.

1 SAMUELA 14:44

Sawla my ni teng y, “Kai ly nang ai padei y lawh baly, Tameuh my kai ai padei sy,” nanai thui.

1 SAMUELA 20:13

Ni ly nang ai padei ai nai dawn lawh nai khala y, nang chymme naimy tleaungra nga ai nai, nang teng y satang kang thai hai y lawh baly, Areng my kai ai dei pa-rei pajeng sy; Areng ly ngaai ai awm hai nai kamta, nang ai py awm hai sy!

1 SAMUELA 25:22

Khawn khutawi y rai khala y, nichi ai leaungrei py takhawi y pa-rei kapadei y baly, Tameuh my kai ai padei sy!” nanai thui yb bo.

1 SAMUELA 3:17

Eli my, “Areng my nang teng y ati ang thui pi mo? kai teng y ati sai py apha moh ba; Tameuh my leu ang pei nai ngiereichi kai teng y amti pi y baly, mymy ly nang ai khri pa-rei ang pajeng ai,” napi.