ROM AVANGCHI TENG Y PAWLA I CHA PA NAI 9:27 - Khumi Common Language Bible

²⁷ Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

ROM AVANGCHI TENG Y PAWLA I CHA PA NAI 9:27 ပူးပေါင်းရင်းမြစ်များ

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

EZARA 9:14

Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

EZARA 9:8

Aw kaichi i Areng Tameuh, nang ly kaichi ai pahen nai deaungkho y, cheng takhrachi kiu i nai lawi hai iy, vai ly tahm asang parai nai kachai meingtym y, neng maidenreichy sala y phrumai by y pa-rei awm ai nai pei bo. Nang ly kaichi ai miseaungra i nai alaw hai iy khumi kangtha lawm ai nai pei bo.

ISAIA 1:1

Hini cha-iu theung y Juda samrangchi napi nai Uzia samrang, Jotham samrang, Ahaz samrang hawi Hezekia samrangchi i deung y Juda pri hawi Jerusalem mary tlang tleaung y ati mana tym ai mo, nanai Amoz i chapo Isaia teng y Tameuh my pei nai amo leuchi abawi nai ne.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 24:13

Khaileaung pri verei i pri ngiereichira y, hina nai kamta tym ai. Hina nai kamta tym nai neng ly olive keung awm nai ngiereichi ra i athaichi pakhau pawn iy, kreip athai kamthumchi py, kreip angjynchira i jaw pajau nai neng, amti amjangchi pakym pajau nai neng hawi atawm ai.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”