ROM AVANGCHI TENG Y PAWLA I CHA PA NAI 9:20 - Khumi Common Language Bible

²⁰ Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?

ROM AVANGCHI TENG Y PAWLA I CHA PA NAI 9:20 ပူးပေါင်းရင်းမြစ်များ

2 SAMUELA 16:10

Samrang ly Abisai hawi ni i amjo Juaba teng y, “Hini ly nang i kalop ny y leang; Areng my leu pei nai deaungkho y, kai ai pasawi nai ne lawh baly ni teng y, ‘nang ly ati mana nai y hina nai sa lawh mo?’ nanai ami my deng ai mo?” napi.

JOBA 16:3

Nangchi ly avawrei hina nai thui ai nai ngai u a? Avawrei leu kamjau katheu ai nai ngai u lawh a?

JOBA 33:13

Tameuh ly khumi i hnei takeng naichi ai, mana khala py tangai pi y, nanai nang ly ati mana nai y, mymy ai thui tamawn lawh mo?

JOBA 36:23

Ami py Tameuh ai pacheang pajau y; mymy ly hawi y naira sa, nanai neng hai pajau y.

JOBA 40:5

Kai ly leu katheu ai avo nai tleaung y, katheu panawi lawh veng bo.

JOBA 40:8

Nang ly kai teng y leu meitang adyh adawi nai by y leang, nanai pany hai nai ka-ma-ra patei ai nai atho sa ai a? Nangmy mang kateng lawm ai nai, kai ai cheh nai sai a?

JOBA 9:32

Tameuh ly khumi ne lawh teu khyly, kai ly mymy ai kaei pajau ai bo. Achi i a-ei nairachi chih pi ai nai, tara jeung y tym hai pajau nai ne.

ISAIA 10:15

Na i py Areng my, “Peuseng ly mymy ai teaung nai keung tleaung y len keh, nanai thui pajau na a? Raw py mymy ai amkhaw iy si nai khumi tleaung y aly len, nanai thui pajau na a? Tamtleang my khumi ai amkhaw nai ny y, khumi my tamtleang ai amkhaw nai ne,” napi.

ISAIA 29:16

Nichi ly ati cheaungkhangra y athli hai piupa reng nai ne. Laawm beu nai keung hawi laawm khaileaungchira y, ami aly len keh mo? Khumi i kiu hawi sa amcheang nai harei my khumi teng y, “Kai ai nangmy sa nai ne a?,” nanai py, “Nang ly nangmy i kalop ai pany y,” nanai py thui pajau na a?

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

JEREMIA 18:6

“Laawm beu nai keung ly khaileaung laikan ai sa nai kamta, kai py nangchi Israela chengchi ai so pajau y a? Aw Israela chengchi awi, khaileaung laikan ly laawm beu nai keung i kiu y awm nai kamta, nangchi chengchi py kai i kiu theung y awm u nai ne.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MATTHAI 20:15

Kaimy i teu ly kaimy ngaingai so ngau y a? Ti y baly kai ly hawi nai deaungkho y nang ly khen hawi y nai sai a?’ napi nai pathang.

LUKA 12:14

Na i py ni my ly mymy teng y, “Nai awi, nangni i tlang tleaung y tara chih nai keung hawi, yhmtheaung paji ai nai keung y kai ai sa nai ly ami mo?” napi.

ROM AVANGCHI TENG Y PAWLA I CHA PA NAI 14:4

Khumi takhra i miseaung ai cheh nai keung nang ly mana nai kha? Mymy i angdo nai hawi atlym nai ly mymy i yhmkeung i vui ne. Ne, ni ai angdo hai takengkei ai; Areng ly mymy ai angdo hai pajau.

ROM AVANGCHI TENG Y PAWLA I CHA PA NAI 2:1

Hunai deaungkho y nai awi, nang ly cheh nai keung ami py ne teu iy py, nang ly den py akhira ngo y leang; nang i khumi takhra ai cheh nai kypkyp my ly nangmy naimy apasum ryp nai chy bo; nang, cheh nai keung my py hunai kamta atitichi sa ryp teang lawh.

ROM AVANGCHI TENG Y PAWLA I CHA PA NAI 2:3

Aw, hunai kamta atiti sa reng naichi ai cheh nai khumi awi, nang ly hunai kamta sa ryp teang lawh i, Tameuh i cheh naira ai en vui ai nai athang khai nai sai a?

ROM AVANGCHI TENG Y PAWLA I CHA PA NAI 9:21

Laawm sa nai keung my ly khaileaung akawirei hawi laawm harei ly tahm asang naira y teaung ai nai hawi, laawm takhra ly tahm anem naira y teaung ai nai sa ai nai py khaileaung alai ai aly peang y a?

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

I KORINTH 1:20

Khumi kacheng ly ma ma y mo? Reita patiu nai keung ly ma mang y mo? Hini khaileaung pri i cheng naira ai ly cheng y naira palawn nai ny y a?

I KORINTH 7:16

Aw aju awi, nang i juvo ai ly paheng ai mo paheng y ai mo nang ly mana pany mo? Aw juvo awi, nang i aju ai ly paheng ai mo paheng y ai mo nang ly mana pany mo?

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II TIMOTHEI 2:20

Na i py yhm kalen pui y ly muku hawi tangka laawmchi harei khyh ny y naimy, dengkeaung hawi alai laawmchi py awm teang; phyrei ly tahm asang ai nai awm iy, phyrei ly tahm anem naira y awm teang.

TITA 2:9

Miseaungchi ly achi ai Paheng nai Keung Tameuh i patiu nai leu ly ati cheaungkhangra y palo u thai ai nai, aei y naimy atiti lo mimeaung mimeuung y nai,

JAKOB 2:20

Ati sai py ny y nai khumi awi, atiti sa naira abawi y naimy ym naira ly ati sai py ny y leang, nanai pany ai nai ngai a?