ROM AVANGCHI TENG Y PAWLA I CHA PA NAI 9:15 - Khumi Common Language Bible

¹⁵ Mymy ly Mosi teng y, “Kai kapahen nai ngierei ai ly kaimy ngaingai kapahen ai, ami i tlang tleaung y neaung kahawi nai ngierei ai ly kaimy ngaingai neaung kahawi ai,” nanai thui.

ROM AVANGCHI TENG Y PAWLA I CHA PA NAI 9:15 ပူးပေါင်းရင်းမြစ်များ

THEU NAI 33:19

Areng my, “Kai i nang parai nai ngierei nang ai patei iy kai i amyn kachai py, nang teng y amteng hai ai; kai ly Areng ne; kaimy vawi takhra nai khumichi teng y, tamen naira hawi pahen naira kapatei reng nai ne.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ROM AVANGCHI TENG Y PAWLA I CHA PA NAI 9:16

Hunaibaly huni ly ami i ngai nai hawi angpreng nai deaungkho y ne y leang, pahen nai keung Tameuh deaungkho y teu.