ROM AVANGCHI TENG Y PAWLA I CHA PA NAI 9:14 - Khumi Common Language Bible

¹⁴ Hunaibaly achi ly mana thui ai mo? Tameuh ly hawi y naira awm a? Ny y leang.

ROM AVANGCHI TENG Y PAWLA I CHA PA NAI 9:14 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

JOBA 8:3

Tameuh ly tara chih naira y mana khala py, jawi tamang hai vai y leang. Mymy ly mana khala py, hawi nairachi so y naimy awm vai y leang.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 92:15

Hini ly Areng ly lei meitang ne, nanai py, kai ai ama hai nai keung ly hawi angym, nanai py pany hai bo.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

ROM AVANGCHI TENG Y PAWLA I CHA PA NAI 2:11

ati mana nai mo nabaly Tameuh ly khumi ai patle takhra nai by y leang.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

ROM AVANGCHI TENG Y PAWLA I CHA PA NAI 3:1

Hunaibaly Juda ly chawn naira katlen nai ati awm mo?

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

AMTENG HAI NAI 16:7

Naibaly maicham ly, “Ne khyp, Aw Atiti py Sa Thai Nai Tameuh awi, Nang i tara chih nai ly teng py teng, hawi py hawi,” napi nai kathai.