ROM AVANGCHI TENG Y PAWLA I CHA PA NAI 8:35 - Khumi Common Language Bible

³⁵ Krista i tamen naira i dengdairei ly ami my ang taprei ai mo? Patang naira my mo, khrikhri paleung mawn naira my mo, ana hai naira my mo, takang my mo, tlang ka-keu naira my mo, ka-jei awm naira my mo, haisau my mo taprei ai a?

ROM AVANGCHI TENG Y PAWLA I CHA PA NAI 8:35 ပူးပေါင်းရင်းမြစ်များ

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

Solomon i khulym 3:4

Kai ly tamcheaung typ naichi teng i nai theu chum baly, kaimy i khrei nai keung ai avum praw ryp bo. Kai ly ni ai tleaung y pa-rei takawi cheng iy, kaimy i amhm yhm, kai ai tapen nai takun theung y pahawi bo.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

JOHAN 10:28

kai ly nichi teng y deungtasarei hengra kapei; nichi ly deungtasa ryrei tamo y ai; ami py kai i kiu i nai ang lawm pi y leang.

JOHAN 13:1

Naibaly Isu ly Katlen Vui nai pawi ny y rai kha y hini khaileaung pri i nai theu vui iy, Ampo teng y chei ai nai neng bo, nanai pany i, mymy i khaileaung pri y awm nai khumichi ai ang tamen iy tem khala kharirei ang tamen jo.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

ROM AVANGCHI TENG Y PAWLA I CHA PA NAI 2:9

patang naira hawi khri pa-rei paleung mawn naira py tym ai, ami py atiti kamngo sa nai ngierei i tlang tleaung y tym ai i, Judachi teng y tym manme ai, naibaly Krikchi teng y py tym teang ai;

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

ROM AVANGCHI TENG Y PAWLA I CHA PA NAI 8:39

atiti awm ai naichi, atiti sa thai nairachi, asang nairachi, thiu nairachi, atiti sa nai takhra lyh lyhchi my py achi i Areng Krista Isu y awm nai Tameuh i tamen naira hawi achi ai taprei thai y leang, nanai kai pany khypkhyp.

I KORINTH 4:11

Vai khrairei kaichi ly biu py alam, tui py ahai, ateaung py ateaung pajau y, khumi i nui chamum chami tabeang peung pang nai py ne; awmra py ma pany y;

I KORINTH 4:12

Kaichi ly amy i kiu y sa nai khri pa-rei akawm; amichi mo ang jo iy kaichi ly amtheaung hai; amichi my ana iy kaichi ly kham tanga;

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

II KORINTH 4:8

Kaichi ly makeng makengrei mang y patang nai awm, na i py kaichi ly taho amchei y leang; kaichi ly ati sa ai nai dawn pajau y nai awm, na i py athang pipi by y nai awm y leang;

II KORINTH 4:9

kaichi ly ana naira y awm, na i py ang khai su y leang; kaichi ai pakhau mawp nai awm,

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.