ROM AVANGCHI TENG Y PAWLA I CHA PA NAI 8:32 - Khumi Common Language Bible

³² Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

ROM AVANGCHI TENG Y PAWLA I CHA PA NAI 8:32 ပူးပေါင်းရင်းမြစ်များ

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

ROM AVANGCHI TENG Y PAWLA I CHA PA NAI 11:21

Tameuh ly changpi tatangchi ai khai y baly nang ai py ang khai lawh y leang.

ROM AVANGCHI TENG Y PAWLA I CHA PA NAI 4:25

huni Isu ai ly achi i kamngo nai deaungkho y patiu hai i, achi ai eaung naira nga hai ai nai pathau bo.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 2:12

Hunaibaly Tameuh i atiti jawm ang pei naichi ly achi pany thai ai nai, achi ly khaileaung pri i phailo nga nai ny y i, Tameuh teng i Phailo nga nai ne.

II KORINTH 4:15

Naibaly pahenra ai ly khumi nawi keh naichi i saho y peung hai nai awm iy, huni my ly Tameuh ai palo ai nai khri pa-rei kawn nai leu ang theu hai thai ai nai, ati cheaungkhang ly nangchi i vui hawi ai naira ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.