ROM AVANGCHI TENG Y PAWLA I CHA PA NAI 8:31 - Khumi Common Language Bible

³¹ Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

ROM AVANGCHI TENG Y PAWLA I CHA PA NAI 8:31 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

1 ARENG KEH 8:57

Achi i Areng Tameuh ly amsi pajochi hawi vanrei awm hai nai kamta, achi ai mana khala py khai su y naimy, achi hawi vanrei awm hai sy.

2 ARENG KEH 6:16

Elisa my, “Jei moh, achi mang y awm naichi ly nichi mang y awm naichi tleaung y nawi keh,” napi.

1 NENG SATANG 19:15

Huna nai preang nai ai Ammon tavaimichi niu nai khala, nichi py Abisai i mo mang preang u iy, mary theung mang y athawn u. Naibaly Juaba ly Jerusalem mary y vawi ali teang bo.

1 NENG SATANG 5:22

Hini tavai ly Tameuh i kangai ne nai deaungkho y, paleung ka-echi neangneang dei. Naibaly Israela chengchi ly pri palara avum nai neng tym y nai ryrei ly huni pri y awm u jo bo.

SAM 118:6

Areng ly kai hawi vanrei awm nai ne i, kai ly jei ai ny y; khumi ly kai ai ati sa hai pajau ai mo?

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 56:11

Kai ly mymy ai ym nai deaungkho y, ami ai py jei ai ny y; khumi ly kai ai ati sa pajau ai mo?

SAM 56:4

Kai ly Tameuh ai ym nai deaungkho y, ami ai py jei ai ny y; mymy i adeu nai molam y mymy ai kapalo ai. Khumi ly kai ai ati sa pajau ai mo?

SAM 56:9

Nang teng y kai i hnei takeng nai kani y, paleung ka-echi ly anaw u pawn ai. Tameuh ly kai mang y awm, nanai kapany bo.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

JEREMIA 42:11

Babulon samrang ai jei u moh jau. Kai ly nangchi hawi vanrei awm bo i, nangchi ai ni i kiu i nai atleu ai.

Kati Nai 14:9

Areng ai tiu ai nai tau u moh; Kanan pri khumichi ai py jei u moh. Achi my nichi ai tiu baly rai y naimy pajau ai. Areng my achi ai ang awm hai baly, nichi ai kry nai tameuhchi ly sum u ai; hunai deaungkho y jei u moh,” nanai khumi mipuichi teng y thui pi hawi nai ne.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

ROM AVANGCHI TENG Y PAWLA I CHA PA NAI 3:5

Na i py achi i hawi y naira ly Tameuh i hawi naira ai amteng hai ra baly, achi ly ati thui ai mo? Tameuh my khumi ai pajeng nai ly hawi y nai ne a? (Kai ly khumi i thui reng nai kamta kathui nai ne.)

ROM AVANGCHI TENG Y PAWLA I CHA PA NAI 4:1

Tumbaly achi ly tlang mang y achi i amsi sangum Abraham i nga nai ly mana napi ai mo?

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.