ROM AVANGCHI TENG Y PAWLA I CHA PA NAI 8:30 - Khumi Common Language Bible

³⁰ naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

ROM AVANGCHI TENG Y PAWLA I CHA PA NAI 8:30 ပူးပေါင်းရင်းမြစ်များ

ISAIA 41:9

Kai ly nangchi ai khaileaung khuteng taki i dengdairei kang pahawi bo. Khaileaung katem i dengdairei palau nai, nangchi ly kai i miseaungchi ne. Kai ly nangchi ai nyn va ai nai tleaung y ly kang vawi takhra nai ne.

JOHAN 17:22

Naibaly ani ly bomrei awm nai kamta nichi py bomrei awm thai ai nai, nang ly kai ai nang parai naira pei nai ly nichi teng y kapei bo;

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

ROM AVANGCHI TENG Y PAWLA I CHA PA NAI 1:6

hunichi theung y ly nangchi ai py Isu Krista i lawn ai nai ang palau nai ne;

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

ROM AVANGCHI TENG Y PAWLA I CHA PA NAI 8:21

atiti sa naichi bawibawi ai ly ati sai py ny y naira i ngaingai anui y awm hai veng bo(mymychi i kangai y ny y leang, anui y awm hai nai keung my athang khai nai deaungkho y teu.)

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 5:8

Hini parawi naira ly nangchi ai ang palau nai keung teng i dengdairei ny y leang.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 1:5

hunaibaly mymy i tamen naira nang parai nai sai palo ai nai, mymy i kangai kawn nai kamta ly Isu Krista i saho y achi ai mymy i vui chanau y ang palawn ai nai ang khai rym chum veng nai bo.

EPHESI 2:6

naibaly mymy hawi vanrei ang pathau teang iy, Isu Krista y ly kani pri y mymy teng y ateh hai bo.

EPHESI 3:11

Tameuh i cheng naira cheaungkhang ly palau takhra kamkawm i saho y pany hai pajau ai;

EPHESI 4:4

Nangchi ai ang palau nai ly athang khai naira harei y ang palau nai kamta ly, tlang harei hawi Phailo harei chy awm khyh;

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

II TIMOTHEI 2:11

“Achi ly mymy hawi dei chum nai awm baly, Achi ly mymy teng y heng teang ai,

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 19:9

Naibaly mymy ly, “Beram Cho i apom nai pawi y heang naichi ly taham hawi, nanai tajiu,” ang napi. Naibaly mymy ly kai teng y, “Hunichi ly Tameuh i leu kateng ne,” napi.