ROM AVANGCHI TENG Y PAWLA I CHA PA NAI 8:28 - Khumi Common Language Bible

²⁸ Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

ROM AVANGCHI TENG Y PAWLA I CHA PA NAI 8:28 ပူးပေါင်းရင်းမြစ်များ

ATITI AWM ANGCHEI NAI 50:20

Nangchi my kai i tlang tleaung y hawi y nai sa u teu i py, Tameuh my vaini khumi bawibawichi heng thai ai nai ka-vo sa pi nai teu bo.

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

NEHEMIA 1:5

Tameuh teng y, “Aw kani pri mang y awm nai Areng Tameuh! Nang ly tahm asang nai deaungkho y kaichi ly jei kaji naimy tahm kang khai u nai ne; nang ly nangmy ai tamen iy leu pei nai tangai nai khumichi hawi leu maikawm asa nai khaw hai bo.

SAM 69:36

Mymy i miseaungchi i katu chanauchi ly pri amtym u ai; mymy ai tamen nai khumichi ly huni pri y awm u ai nai nga ai.

THEU NAI 20:6

Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MARKA 12:30

naibaly nang i Areng Tameuh ai ly nang i paleung verei hawi, nang i phailo verei hawi, nang i dawn nai bawibawi hawi, nang i atho bawibawi hawi nang tamen ai nai tla,’ nanai ne.

AMTAW 13:48

Naibaly Cheng Takhrachi ly huna nai thai iy kawn i Tameuh i leu ai palo, naibaly deungtasarei hengra nga ai nai khai takhra nai ngiereichi my ly ym bo.

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

ROM AVANGCHI TENG Y PAWLA I CHA PA NAI 9:11

Naibaly deaungdi nini ai tapen y rai kha y, nini ly hawi nai hawi y nai so y i, atiti sa nai deaungkho y ny y naimy,

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 1:24

Cheng Takhrachi i vui ly pathu naira ne teang; na i py Judachi py ne sy, Krikchi py ne sy, palau naichi i vui ly Krista, Tameuh i atiti sa thai naira hawi Tameuh i cheng naira py ne.

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

II KORINTH 5:1

Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 5:8

Hini parawi naira ly nangchi ai ang palau nai keung teng i dengdairei ny y leang.

EPHESI 3:11

Tameuh i cheng naira cheaungkhang ly palau takhra kamkawm i saho y pany hai pajau ai;

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

PHILIPI 3:14

Krista Isu i saho y Tameuh i salo mang y ang palau nai kawn nai vang nga ai nai katem y tym pa-rei katapai tanga nai ne.

I THESALONIKA 5:9

Tameuh my kado theu naira ny y naimy, achi i Areng Isu Krista i saho y paheng naira nga lawh ai nai achi ai ang khai rym nai teu;

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

I JOHAN 4:19

Mymy ly achi ai ang tamen man nai deaungkho y achi ly tamen nai ne.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.