ROM AVANGCHI TENG Y PAWLA I CHA PA NAI 8:17 - Khumi Common Language Bible

¹⁷ naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

ROM AVANGCHI TENG Y PAWLA I CHA PA NAI 8:17 ပူးပေါင်းရင်းမြစ်များ

MATTHAI 16:24

Hunaibaly Isu ly abangnaichi teng y, “Ami py kai teng y abang ai nai ngai baly amy i kangai khai su iy, amy i kraws apu naimy kai teng y abang sy.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 20:32

“Vai ly Tameuh hawi mymy i pahengra leu y kang au hai bo, huni ly nangchi ai ang veang hai pajau i, khai takhra naichi theung y ly kamtym ang nga hai teang mang.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 5:17

Khumi leaungrei kamngo nai deaungkho y dei naira my leaungrei deaungkho y peang makho baly, khrikhri pa-rei pahenra hawi, jawm pei nai hawi naira nga nai keungchi ly khumi leaungrei (Isu Krista) deaungkho y heng naira y peang takengkei ai.

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

II KORINTH 1:5

Naibaly Krista i patang nairachi ly kaichi i vui y aleu palai nai kamta ly, kaichi i awmnem naira py Krista i saho y aleu palai nai ne.

II KORINTH 1:7

naibaly nangchi ly ngari patang naira phy nga u teang nai kamta ly, nangchi ly awmnem naira py phy nga u teang, nanai kaichi pany iy, nangchi ai athang kang khai naira khaw parai nai ne.

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 4:7

Hunaibaly nang ly vai i dengdairei ly miseaung ny y leang bo, chanau ne; naibaly nang ly chanau ne baly Tameuh i saho y nang ly yhmtheaung amtym ai nai keung ne.

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 6:17

Hunaibaly Tameuh my leu adeu nai amtym naichi teng y ly mymy i sa tau nai pipi palai lawh thai y nai sai patei ai ngai nai, vaineng abeu kheng bo.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 1:4

mawn thai y nai yhmtheaung kamtym, anyng akau y nai, rawm thai y nai kani pri mang y nangchi i vui khai pi nai py nga ai nai achi ai ang tapen hai bi bo;

I PETERA 4:13

huni ny y naimy nangchi ly Krista i patang naira y patang ahawi nai keungchi lawn nai deaungkho y kawn u: hunaibaly mymy i nang parai naira amteng nai khala y nangchi ly amo theu parai naimy kawn u teang thai ai.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.