ROM AVANGCHI TENG Y PAWLA I CHA PA NAI 7:6 - Khumi Common Language Bible

⁶ Na i py cha tajiu nai kangngym kamta ny y naimy, phailo kangtha y atiti sa thai ai nai, achi ly vai ly ang patawn naira i nai dei chum iy, achi ai Reita i dengdairei ang patlaw bo.

ROM AVANGCHI TENG Y PAWLA I CHA PA NAI 7:6 ပူးပေါင်းရင်းမြစ်များ

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

ROM AVANGCHI TENG Y PAWLA I CHA PA NAI 1:9

Naibaly kai ly kai i chiu sa naira y ly anawn y naimy nangchi i amyn katabawi jojo;

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

ROM AVANGCHI TENG Y PAWLA I CHA PA NAI 6:11

Hunai kamta teang nangchi py kamngo mang y ly dei chum nai kamta apalawn u ly, Tameuh mang y naini Krista Isu y heng nai ne, nanai apalawn u.

ROM AVANGCHI TENG Y PAWLA I CHA PA NAI 6:19

nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u.

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

ROM AVANGCHI TENG Y PAWLA I CHA PA NAI 6:4

Hunaibaly Ampo i nang parai naira my Krista ai kadeichi theung i nai pathau nai kamta, achi py heng naira kangtha y tako thai ai nai, achi ly baptisma nga naira y mymy teng y up teang nai bo.

ROM AVANGCHI TENG Y PAWLA I CHA PA NAI 7:1

Amjo amnauchi awi, khumi heng nai sala ryrei ly Reita ly mymy i tlang tleaung y peang, nanai nangchi pany u y nai sai a? (Kai ly Reita pany nai khumi teng y kathui nai he.)

ROM AVANGCHI TENG Y PAWLA I CHA PA NAI 7:2

Juvo awm nai neampachy ly juvo heng nai sala ryrei ly reita deaungkho y juvo hawi kawm tabom bo; na i py juvo dei baly mymy ly juvo i molam y reita i dengdairei patlaw bo.

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

KALATIA 6:15

Kangtha sa vui nai ny y baly, lengkhym takip nai py, takip y nai py ati sai py ny y leang.

EPHESI 4:24

leu meitang hawi naira hawi chai naira y py Tameuh kamta ang sa nai ly amthyp u, nanai he.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;