ROM AVANGCHI TENG Y PAWLA I CHA PA NAI 6:22 - Khumi Common Language Bible

²² Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

ROM AVANGCHI TENG Y PAWLA I CHA PA NAI 6:22 ပူးပေါင်းရင်းမြစ်များ

ATITI AWM ANGCHEI NAI 50:17

“Kaichi ly nang i tlang tleaung y sa tamang nai deaungkho y pahen kyh ba,” nanai takeng ai nai ngaai my dei y rai khala ang taviu yb nai ne. Huna nai y ngaai i ym nai Tameuh i miseaung kaichi i sa tamang nai pahen kyh ba,” nanai thui hai bo. Josepha ly huna nai amti pi nai leu thai nai khala khri pa-rei vo bo.

JOBA 1:8

Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.

SAM 143:12

Nang ly kai i tlang tleaung y tamen nai deaungkho y, paleung ka-echi ai padei pawn kyh ba; kai ly nang i miseaung ne nai deaungkho y, kai ai ana nai khumi bawibawichi ai padei pawn ba.

SAM 86:2

Kai ly nang i tlang tleaung y ka-ym awm nai deaungkho y, deira i nai kai ai atleu kyh ba; kai ly nang ai ym nai miseaung ne nai deaungkho y, kai ai atleu kyh ba.

SAM 92:14

Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

DANIELA 3:26

Hunaibaly samrang Nebukhadnezar ly khri pa-rei angveaung nai mai pui kangveaung pa-khora chei iy, “Tahm asang keh nai Tameuh i miseaung Sadraka, Meshaka hawi Abedanekochi awi, mai pui theung i nai theu u,” napi. Naibaly nichi ly vaimy theu u bo.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

Kati Nai 23:10

Israela kangpreangchi ly nawi parai nai deaungkho y, spryh ai kati pajau y nai kamta ly nichi ai kati pajau y. Tameuh i khumi leaungrei kamta deung tlum ai nai kangai. Khumi kahawichi kamta tlamsa naimy dei ai nai kangai,” napi.

MATTHAI 13:40

Hunaibaly choh myn la achu iy mai y leng nai kamta ly khaileaung pri tem ai nai neng khala y ly awm teang ai.

MATTHAI 13:43

Hunai khala y khumi kahawichi ly Ampo i pri y kanito kamta angvang ai. Kano awm nai khumi ly thai sy.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 4:36

Hei nai keung hawi tyn nai keung py kawn ahawi thai ai nai, tyn nai keung ly vang nga i, deungtasarei hengra tym pa-rei awm ai nai athai pakym.

JOHAN 8:32

nangchi ly leu meitang pany ai i, leu meitang my ly nangchi ai miseaung alaw hai ai,” napi.

ROM AVANGCHI TENG Y PAWLA I CHA PA NAI 6:14

Kamngo naira my ly nangchi i tlang tleaung y aly peang ai nai ny y leang bo; ati mana nai mo nabaly nangchi ai ly Reita my peang nai ny y leang, pahenra my ang peang nai teu.

ROM AVANGCHI TENG Y PAWLA I CHA PA NAI 6:18

naibaly nangchi ly kamngo miseaung i nai law u i, hawi naira i miseaungchi lawn u bo; hunai deaungkho y Tameuh teng y kawn nai leu tym sy;

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

ROM AVANGCHI TENG Y PAWLA I CHA PA NAI 7:25

Isu Krista achi i Areng i saho y Tameuh teng y kawn nai leu tym sy! Hunaibaly kaimy tatang ly kaimy i paleung y ly Tameuh i Reita i miseaung y kalawn, na i py kai i tlang y ly kamngo reita i miseaung y kalawn bo.

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

I KORINTH 7:22

Miseaung y awm nai thym khala y Areng y palau nai ly Areng i miseaung alaw nai ne; hunai kamta khyp teang miseaung alaw nai thym khala y palau nai ly Krista i miseaung ne.

II KORINTH 3:17

Naibaly Areng ly Phailo ne: naibaly Areng i Phailo awm naira ngierei y ly alaw naira awm.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.

I PETERA 1:9

ati mana nai mo nabaly nangchi i ym naira deaungkho y nangchi i phailo ai paheng naira nga u nai ne.

I PETERA 2:16

Nangchi ly alaw nai ne, na i py nangchi i alaw nai ly kamngo ai khiu naira y teaung y naimy, Tameuh i miseaung y awm nai kamta teaung u.

AMTENG HAI NAI 7:13

Naibaly miteaung kehchi theung i nai leaungrei ly kai teng y, “Hini kanih kangleung akhiu naichi ly amichi mo? Nichi ly ma i dengdairei jeu nai mo?” nanai deng.