ROM AVANGCHI TENG Y PAWLA I CHA PA NAI 6:21 - Khumi Common Language Bible

²¹ Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

ROM AVANGCHI TENG Y PAWLA I CHA PA NAI 6:21 ပူးပေါင်းရင်းမြစ်များ

1 ARENG KEH 2:26

Naibaly samrang Solomon ly pathyp pi nai keung Abiatha teng y, Anatho mary nangmy i awm nai avang saleaung y chei; nang ly dei ai ataing nai khumi ne. Na i ly nang ly kai i ampo Davida deung y, Areng i Leu Maikawm Pawm kry nai khumi, Davida hawi vanrei patang ahawi nai khumi ne nai deaungkho y vai, kai ly nang ai kang padei y leang bo,” napi.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

JOBA 33:27

Ni ly mipuichi mo y, “Kai ly kamngo sa tamang lawh bo; hawi naira kaso y teu i py, Tameuh ly kai ai atleu.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 73:17

Kai ly nang i Achura yhm theung y tym khala naini, khumi hawi y naichi ati mana tem u ai mo, nanai kapany vau ai.

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 14:12

Lam kateng, nanai athang khai nai lam ly dei areng teng y pahawi nai lam ne pajau.

LEU KACHENG 16:25

Teng khyp bo, nanai nang i athang khai nai lam ly dei lam ne tang ne lym ai.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 31:19

Kaichi ly nang teng i nai hi vui teu i py, kra y naimy nang teng y vawi ali teang ai nai ka-dawn u vau bo. Nang i parip nai dawn pany vau nai khala kaichi ly paleung atum naimy paleung ama u nai ne. Kaichi ly deaungdi kala kamngo kasa u nai deaungkho y kangji nga iy tahm anem u bo.’

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

Ezekiela 43:11

Nichi ly mymychi i hawi y sa naichi molam y kangji nga u tatang lawh baly, Achura yhm ka-tawm khyp, kun theu nai pa-khochi, sa ai nai leaungsaichi, Achura yhm i reitachi thui pi pachai ba. Nichi sa palai thai ai nai hawi, sa patawm thai ai nai hunichi tajiu typ ba.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 5:12

Hunaibaly khumi leaungrei nai deaungkho y kamngo khaileaung pri y kun i, kamngo nai deaungkho y deira py kun teang; hunai kamta khyp teang khumi bawibawi kamngo sa nai deaungkho y deira my ly khumi bawibawi ai num be bo.

ROM AVANGCHI TENG Y PAWLA I CHA PA NAI 6:16

Ny y leang. Ami teng y py ni i leu tangai u ai nai nangchi my miseaung y achei u baly (dei ai nai ataing pa-rei kamngo i miseaung y mo, hawi ai naira ataing pa-rei leu tangai ai nai miseaung y mo), nangchi ly mymy i leu tangai u nai miseaung ne, nanai pany u y nai sai a?

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

ROM AVANGCHI TENG Y PAWLA I CHA PA NAI 7:5

Achi ly tlang mang y awm nai thym khala y Reita deaungkho y kamngo sa hai nai ngai phi teng y nairachi my achi i tlang kangpreichi theung y dei ai ataing pa-rei athai ai nai sa reng.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 7:11

Hunaibaly khen u cham, Tameuh i ngai nai kamta paleung mawn naira awm u nai kypkyp my ly, amkym naira py, tlau thai y nai pa-rei py, paleung hawi y naira py, jei naira py, ngai parai naira py, khrikhri pa-rei sa naira py, pajeng naira py nangchi ai khrikhri pa-rei sa hai na ly! Ati cheaungkhangra y nangchi ly huni molam y ly chai u bo, nanai amteng u hai bo.

Leu Thui Nai 17:6

Na i py pany nai keung leaung nyhrei, leaung thomrei awm khala naini, kamngo sa nai huni khumi ai padei ai nai tla. Pany nai keung leaungrei awm khyh baly, huni khumi ai padei ai nai tlo y.

Leu Thui Nai 21:22

Padei ai ataing nai kamngo sa nai molam y padei vui nai khumi i veu ai ly dengkeaung y bang hau baly,

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 6:8

na i py kabeng aleng awm nai hawi preaung deaungchi patheu baly tapeang i, amsawi lawi naira nga vi iy, kangkhym y ly mai leng ai nai tla lawh veng.

JAKOB 1:15

Naibaly ngai phi teng y naira ly pawm i kamngo tapen: naibaly kamngo ly cheang iy dei naira tapen bi.

JAKOB 5:20

mymy ly khumi kamngo ai lam tamang naira i dengdairei pahawi ali hai nai deaungkho y, dei ai naira i dengdairei phailo ai ly paheng ai, naibaly kamngo neangneang ai py khiu ai, nanai pany sy.

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 20:14

Naibaly dei naira hawi tavaukho ly mai ang y aphi hawi vui bo. Huni ly pa-nyh dei naira, mai ang napi nai ne.