ROM AVANGCHI TENG Y PAWLA I CHA PA NAI 6:13 - Khumi Common Language Bible

¹³ nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

ROM AVANGCHI TENG Y PAWLA I CHA PA NAI 6:13 ပူးပေါင်းရင်းမြစ်များ

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

SAM 37:30

Khumi kahawi ly tau cheng nai leu katheu reng; ni ly adyh adawi jojo nai ne.

LEU KACHENG 12:18

Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

Ezekiela 18:4

Amhm ampo i hengra py kaimy peang, cho chanauchi i hengra py kaimy peang; khumi luteng i hengra py kaimy peang. Dei ai nai khumi ly kamngo sa nai keung ne.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

LUKA 15:24

hini kai i chapo ly dei nai, heng ali teang nai bo he; tama nai kaniu ali teang nai bo he,’ napi. Naibaly amo theu parai naimy awm u bo.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 6:11

Hunai kamta teang nangchi py kamngo mang y ly dei chum nai kamta apalawn u ly, Tameuh mang y naini Krista Isu y heng nai ne, nanai apalawn u.

ROM AVANGCHI TENG Y PAWLA I CHA PA NAI 6:16

Ny y leang. Ami teng y py ni i leu tangai u ai nai nangchi my miseaung y achei u baly (dei ai nai ataing pa-rei kamngo i miseaung y mo, hawi ai naira ataing pa-rei leu tangai ai nai miseaung y mo), nangchi ly mymy i leu tangai u nai miseaung ne, nanai pany u y nai sai a?

ROM AVANGCHI TENG Y PAWLA I CHA PA NAI 6:19

nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u.

ROM AVANGCHI TENG Y PAWLA I CHA PA NAI 7:23

na i py kai i tlang kangpreichi theung y ly reita takhra awm, nanai kapany; huni ly kai i paleung i reita ai tiu i, kai i tlang kangpreichi theung y kamngo awm nai reita teng y miseaung y ang hawi.

ROM AVANGCHI TENG Y PAWLA I CHA PA NAI 7:5

Achi ly tlang mang y awm nai thym khala y Reita deaungkho y kamngo sa hai nai ngai phi teng y nairachi my achi i tlang kangpreichi theung y dei ai ataing pa-rei athai ai nai sa reng.

I KORINTH 6:15

Nangchi i tlang ly Krista i kangprei ne, nanai nangchi pany y nai sai a? Krista i kangprei ly la pi iy bima kangprei kapalawn ai a? Huna tanrei kaau ly tym moh sy.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

II KORINTH 10:4

(kaichi i tavai ateaungchi ly tlang y awm nai ny y leang, apai khaw parai naichi aphrei ai nai ly Tameuh i saho y atiti sa thai nairachi ne);

II KORINTH 5:14

Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

II KORINTH 5:15

hunaibaly heng naichi ly amymy i vui y heng nai ny y leang bo, nichi i jeng y dei nai hawi angthau bi naii vui y heng u lawh thai ai nai, mymy ly bawibawichi i dei ai nai jeng y dei nai ne.

II KORINTH 8:5

huni py kaichi i athang khai y nai kamta sa u iy, Tameuh i kangai y mymychi kypkyp my Areng teng y apei u manme i, kaichi teng y py apei u nai ne;

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

Leu Thui Nai 25:16

Areng ly li-tapawp nai khumichi ai niu ngai y nai ne.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

II THESALONIKA 2:12

hunaibaly leu meitang ai ym y iy, hawi y naira y kawn lawh nai bawibawichi ly sum naira nga bebe thai ai.

II TIMOTHEI 2:15

Leu meitang hawi parai naimy teaung nai, kalop sa nai keung kaji ai tlo y nai kamta, sa avo nai keung y Tameuh teng y apei ai nai hawihai adawn.

JAKOB 4:1

Nangchi theung y atiu naira hawi aei naira ly ma mang i dengdairei theu nai mo? Nangchi i tlang kangprei y atiu nai nangmychi i ngai phi teng y naira i dengdairei theu nai ny y a?

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.