ROM AVANGCHI TENG Y PAWLA I CHA PA NAI 5:20 - Khumi Common Language Bible

²⁰ Naibaly kamngo ly amny ra thai ai nai, Reita py awm bi bo;

ROM AVANGCHI TENG Y PAWLA I CHA PA NAI 5:20 ပူးပေါင်းရင်းမြစ်များ

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

Ezekiela 16:52

Vai nang ly nangmy naimy kangji nga ai. Nang i kamngochi ly nang i ngamjo ngamnau neampachychi i kamngochi tleaung y, khri pa-rei hawi y katlen nai deaungkho y, nichi ly nang hawi pata baly kamngo by y naichi atawm. Huna nai nangmy i ngamjo ngamnau neampachychi ai kamngo by y naichi kamta amny hai nai molam y, nang ly nangmy i kangji nga naira y awm ba,” napi.

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

MATTHAI 20:9

Naibaly dym biu theaung neng kha y jeu naichi ly pia vui pangrei nga u bawibawi.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

LUKA 7:47

Hunai deaungkho y kang napi, mymy i kamngo nawi parai nai ly pahen nai bo, ni ly khri pa-rei tamen na a: na i py pahen nai di baly maidenrei tamen nai py di teang,” napi.

JOHAN 10:10

Paviu nai khumi ly paviu ai nai hawi, padei ai nai hawi, taphra ai nai ny y baly jeu y leang; kai naini nichi hengra nga thai ai nai, nga tleaung nga ra thai ai nai kang jeu bo.

JOHAN 15:22

Kai jeu iy nichi teng y leu thui y nai khyly, nichi ly kamngo by y ai bo.

ROM AVANGCHI TENG Y PAWLA I CHA PA NAI 4:15

Reita ly kado theu naira sa lawh, Reita by y naira y naini taphra naira py by y.

ROM AVANGCHI TENG Y PAWLA I CHA PA NAI 6:1

Hunaibaly achi ly ati thui ai mo? Pahenra ly peung ra peung ra thai ai nai achi ly kamngo sa veangveang ai a?

ROM AVANGCHI TENG Y PAWLA I CHA PA NAI 6:14

Kamngo naira my ly nangchi i tlang tleaung y aly peang ai nai ny y leang bo; ati mana nai mo nabaly nangchi ai ly Reita my peang nai ny y leang, pahenra my ang peang nai teu.