ROM AVANGCHI TENG Y PAWLA I CHA PA NAI 5:14 - Khumi Common Language Bible

¹⁴ ne mang ly Adam awm nai dengdairei Mosi awm nai khala y khrairei Adam i taphra nai kamta kamngo so y naichi i tlang tleaung y py dei naira my peang bo. (Huni ly Adam ai ly ang jeu ai nai hawi pata nai ne.)

ROM AVANGCHI TENG Y PAWLA I CHA PA NAI 5:14 ပူးပေါင်းရင်းမြစ်များ

ATITI AWM ANGCHEI NAI 19:25

Khaileaung salo y prau nai cheaungkhang hawi adym ang deng leaunghawira awm nai khumichi py, mary i awm nai khumi bawibawichi ai py taphra be bo.

ATITI AWM ANGCHEI NAI 4:8

Naibaly Ka-ina my amnau Abela teng y, “Choh, hlau mang y chei hawi sina,” napi. Hlau mang y chei hawi nai thym khala lam y, Ka-ina my amnau Abela ai padei vui bo.

ATITI AWM ANGCHEI NAI 7:22

Khaileaung salo i taho thai nai amjy cheaungkhangchi ly dei chauchau bo.

THEU NAI 1:22

Naibaly samrang my mymy i chengchi teng y kangkhym kangtem leu pei nai ly “Hebrai neampachychi i tapen nai neampacho ka-so ngierei ai ly Naing tavo y aphi u; na i py neampachy ne lawh baly kang heng khai u,” napi.

THEU NAI 1:6

Neng tym baly Josepha hawi amjo amnauchi hawi vanrei, huni deung i amjo amnauchi py dei be bo.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

JONA 4:11

Hunai kamta ly hawi nai, hawi y nai khawilang thai y nai khumi 120,000 rei chang y naichi hawi, tawnbawi neangneang awm nai Ninevi mary ai, kai ly pasai keh ai nai avo na a!,” napi.

ROM AVANGCHI TENG Y PAWLA I CHA PA NAI 5:12

Hunaibaly khumi leaungrei nai deaungkho y kamngo khaileaung pri y kun i, kamngo nai deaungkho y deira py kun teang; hunai kamta khyp teang khumi bawibawi kamngo sa nai deaungkho y deira my ly khumi bawibawi ai num be bo.

ROM AVANGCHI TENG Y PAWLA I CHA PA NAI 5:17

Khumi leaungrei kamngo nai deaungkho y dei naira my leaungrei deaungkho y peang makho baly, khrikhri pa-rei pahenra hawi, jawm pei nai hawi naira nga nai keungchi ly khumi leaungrei (Isu Krista) deaungkho y heng naira y peang takengkei ai.

ROM AVANGCHI TENG Y PAWLA I CHA PA NAI 5:21

hunaibaly kamngo my ly deira y peang nai kamta, pahenra my ly hawi naira y deungtasarei hengra nga ai nai ka-lawn pa-rei achi i Areng Isu Krista i saho y peang thai ai nai, kamngo peung naira tleirei y ly pahenra py khri pa-rei peung ra veng.

ROM AVANGCHI TENG Y PAWLA I CHA PA NAI 8:20

Ati mana nai mo nabaly atiti sa naichi bawibawi kypkyp py veaung thai nai miseaung i nai law hai naira nga iy, Tameuh i chanauchi savai ru nai nang parai naira y kun u ai nai,

ROM AVANGCHI TENG Y PAWLA I CHA PA NAI 8:22

Atiti sa naichi bawibawi ly vai khrairei tangam nai hawi no patang nai awm bawibawi, nanai ly achi my pany.

I KORINTH 15:22

Adam y ly khumi bawibawichi dei nai kamta ly, Krista y ly khumi bawibawichi ai ang paheng teang ai.

I KORINTH 15:45

Hunai kamta khyp teang, “Angchei i khumi Adam ly kangheng lawn,” nanai tajiu nai ne. Kangkhym kangtem i Adam ly hengra pei nai keung phailo lawn.

HEBRAI 9:27

Naibaly khumi i vui ly tlenrei dei ai nai khai yb nai ne i, huni bo y ly tara chih ai tla nai kamta ly,