ROM AVANGCHI TENG Y PAWLA I CHA PA NAI 4:11 - Khumi Common Language Bible

¹¹ Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.

ROM AVANGCHI TENG Y PAWLA I CHA PA NAI 4:11 ပူးပေါင်းရင်းမြစ်များ

ATITI AWM ANGCHEI NAI 17:24

Abraham mymy ai lengkhym takip nai khala y ly saneng vui takaw ho ngan takawrei awm i,

SAM 47:9

Pri tleireichi ai peang nai samrangchi ly jeu iy, Abraham i chiu nai Tameuh i khumichi hawi vanrei achu u bo. Mymy ly khaileaung pri y awm nai tavaimi ngiereichi tleaung y sa thai naira awm keh; mymy ly sa thai nai ra awm keh nai samrang ne.

THEU NAI 12:13

Nangchi i yhmdeaung tleirei katheu laibeaung y thi kaleu nai ka-ma-ra niu baly nangchi i yhm katlen vui ai. Kai ly Aikupta chengchi ai kapajeng nai khala y nangchi ly lawi naira nga u ai.

THEU NAI 31:13

“Kai i Anawn kani y ja ai nai tami u moh; Anawn kani ly Kai, Areng my nangchi ai, kai i khumi y vawi takhra nai ne, nanai katu chanau deung kangthau khrairei, pany jo ai nai ka-ma-ra ne.

THEU NAI 31:17

Huni ly kai hawi Israela chengchi sala khaw hai nai ka-ma-ra ne; ati mana nai mo na baly Kai, Areng my kani tariurei sala y kani hawi khaileaung ai sa nai ne i, saryh kani y ly kalop so y naimy kai anawn bo,” napi.

Ezekiela 20:12

Nichi ai chai hai nai keung ly kai Areng ne, nanai pany hai ai ngai nai deaungkho y, kai hawi nichi ka-dyh ka-dawi sa nai ka-ma-ra ly Anawn kani y anawn u ai nai kaimy khai pi yb bo.

Ezekiela 20:20

Kai hawi nangchi asa nai Leu Maikawm ka-ma-ra lawm hai ai nai hawi, kai ly nangchi i Areng Tameuh ne, nanai ai py, nangchi pany jo ai nai Anawn kani ai chai hai u,’ nanai kang pany hai bo.

MATTHAI 16:16

Naibaly Simon Petera my ly, “Nang ly Krista, Tameuh kangheng i Chapo ne,” napi nai pathang.

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

LUKA 19:9

Naibaly Isu ly ni teng y, “Vaini ly hini yhm y paheng naira tym bo, mymy py Abraham i chapo leaungrei ne teang.

JOHAN 3:33

Mymy i pany hai nai leu ym nai khumi my Tameuh ly meitang ne, nanai mymy i pajawp typ nai ka-ma-ra sa bo.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

JOHAN 8:33

Naibaly nichi my ly ni teng y, “Kaichi ly Abraham i kangpreang na a, kaichi vai khrairei ami i miseaung y py awm vai y leang; ‘nangchi ai miseaung alaw hai ai,’ nanai ly ati mana nai thui nai mo?” nanai pathang.

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

ROM AVANGCHI TENG Y PAWLA I CHA PA NAI 10:4

Krista my ym nai ngiereichi ai hawi naira nga hai thai ai nai reita ai anawn hai nai keung ne.

ROM AVANGCHI TENG Y PAWLA I CHA PA NAI 10:6

Na i py ym naira i hawi naira ly hina nai thui: Nangchi i paleung y, “kani pri mang y ami lyn ai mo?” nanai mo (huni ly Krista ai salo mang i dengdairei pahawi kathiu ai nai, nanai sai ne); ti y baly,

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 3:26

mymy kypkyp ly kahawi ne, nanai hawi, Isu ai ym nai ngierei ai eaung hai nai keung ne, nanai py mymy i vai dymkhawn i hawi naira patei nai ne.

ROM AVANGCHI TENG Y PAWLA I CHA PA NAI 3:30

Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tameuh harei khyh baly, mymy ly Cheng Takhrachi i Tameuh py ne teang chy.

ROM AVANGCHI TENG Y PAWLA I CHA PA NAI 4:10

Huni ly mana palawn nai mo? Lengkhym takip nai bo y a? Lengkhym takip y rai kha y a? Lengkhym takip nai bo y ny y leang, lengkhym takip y rai kha y teu.

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

ROM AVANGCHI TENG Y PAWLA I CHA PA NAI 9:33

“Khen cham, Zion y ly atlym naira lengseaung hawi paka naira lengseaung pui kakhai i, Ami py mymy ai ym nai ngierei ly amtheaung leaung y ai,” nanai tajiu nai kamta.

ROM AVANGCHI TENG Y PAWLA I CHA PA NAI 9:6

Na i py Tameuh i leu ly ati sai py ny y nai kamta awm vui nai ny y leang. Ati mana nai mo nabaly Israela kangpreangchi ly Israelachi ne bebe y leang.

II KORINTH 1:22

mymy ly achi ai ang pajawp hai typ nai keung hawi, achi i paleung theung y achi ai Phailo ang pei yb nai keung py ne teang.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 3:7

Hunaibaly pany u, ym naira y awm naichi ly, hunichi kypkyp ly Abraham i chanauchi ne.

KALATIA 5:5

Achi ly Phailo i saho y ym naira deaungkho y hawi naira i athang khai naira ajeng nai ne.

KALATIA 6:16

Naibaly huni i reita kamta tako nai ngiereichi hawi Tameuh i Israelachi i tlang tleaung y py awmnem naira hawi pahen naira py awm sy.

EPHESI 1:13

Mymy y ly nangchi py leu meitang, nangchi i heng nai Satang Kahawi ly tangai u iy, ym py ym u nai bo y mymy y ly adeu nai Phailo Kachai y ang pajawp hai typ bo.

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

AMTENG HAI NAI 9:4

Naibaly Tameuh i pajawp typ nai ka-ma-ra lukati y by y nai khumichi harei khyh ny y baly, khaileaung pri i acha kangheng hawi, atiti heng yh nai amjychi hawi, dengkeaung ngiereichi ai py atiti hawi y nai so hai y ai nai nichi teng y thui pi bo.