ROM AVANGCHI TENG Y PAWLA I CHA PA NAI 3:29 - Khumi Common Language Bible

²⁹ Tameuh ly Judachi i Tameuh harei khyh a? Mymy ly Cheng Takhrachi i Tameuh py ny y a?

ROM AVANGCHI TENG Y PAWLA I CHA PA NAI 3:29 ပူးပေါင်းရင်းမြစ်များ

ATITI AWM ANGCHEI NAI 17:18

Mymy ly Tameuh teng y, “Ati mana nai y Ismaela ly kai i yhmtheaung kamtym lawm pajau y lawh mo?” nanai deng.

SAM 22:7

Kai ai niu nai khumi lutengchi my ang panui hai bo. Nichi ly palai pathu hai iy, lu heang u nai ne.

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 22:32

Tameuh ly kadeichi i Tameuh ny y leang, kanghengchi i Tameuh teu,” napi nai pathang.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

AMTAW 10:34

Naibaly Petera ly leu thui i, “Tameuh my ly khumi ai patle takhra y leang, nanai kai hawihai palai pany:

AMTAW 22:21

Naibaly ni my, ‘Chei ly, hi i dengdairei palo parai naira Cheng Takhrachi teng y kang pato ai,’ ang napi,” napi.

AMTAW 26:17

khumi bawibawichi hawi, Cheng Takhrachi i kiu i dengdairei kang lawi hai ai mang;

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.